Senat depýtattary agroónerkásip keshenin odan ári damytý máselelerin talqylady, dep habarlaidy "Ult aqparat".
Qazirgi kezde elimizde azyq-túlik óndirisiniń kólemi 12 paiyzǵa artqan. Sonymen qatar otandyq óndiristiń ishki tutynýdaǵy úlesi 80 paiyzdan asty. Aýyl sharýashylyǵy ministrliginiń derekteri boiynsha 2016-2019 jyldar aralyǵynda aýyl sharýashylyǵy ónimderi men onyń qaita óńdelgen ónimderiniń eksporty bir jarym ese ulǵaidy.
Agrarlyq máseleler, tabiǵatty paidalaný jáne aýyldyq aýmaqtardy damytý komitetiniń depýtattary parlamenttik tyńdaý qarsańynda Aýyl sharýashylyǵy ministrliginiń ókilderimen kezdesken bolatyn.
Depýtattar kezdesý barysynda biylǵy 8 aidyń qorytyndysy boiynsha aýyl sharýashylyǵyndaǵy jalpy ónim kólemi 4,9 paiyzǵa artyp, 2,4 trln teńgeni quraǵany týraly habardar boldy.
Parlament depýtattary sýbsidiialaý baǵdarlamasyn damytý, aýyl kásipkerleri úshin salyqtyq jeńildikter boiynsha múmkindikterdi keńeitý qajettigin atap ótti. «QazAgro» holdinginiń aqparaty boiynsha, biyldyń 9 aiynda nesielendirý men lizingti qosa alǵanda, agroónerkásip keshenin qarjylandyrý kólemi 325,1 mlrd teńgege jetti.
Kezdesý qorytyndysy boiynsha problemalardy sheshý jáne agroónerkásip keshenin damytý jónindegi usynystar ázirlenedi jáne 2020 jylǵy 23 qazanda parlamenttik tyńdaýda aitylatyn boldy.
