Biyl 928 eldi meken 3G jáne 4G Internet jelilerimen qamtamasyz etiledi. Bul týraly Ortalyq komýnikatsiialar qyzmetindegi brifingide QR Tsifrlyq damý, qorǵanys jáne aeroǵarysh ónerkásibi vitse-ministri Daryn Tuiaqov atty, dep habarlaidy "Ult aqparat".
«Qazirgi álemde adamdar negizinen mobildi qurylǵylardy paidalanady jáne osy sátte Qazaqstanda 34 millionǵa jýyq mobildi qurylǵy tirkelgen. Onyń ishinde Internetke qosylǵan smartfondardy belsendi paidalanatyn 14,9 mln uialy bailanys qurylǵysyn paidalanatyn abonettik belsendi paidalanýshy bar. Olar tsifrlyq álemde turyp jatyr. Osyǵan bailanysty ministrlik ákimdiktermen birge 13 aqpan kúni memorandýmǵa, odan keiin ákimdikter kelisken jospar kestege qol qoidy. Atalǵan jospar kestede aýyldyq jerlerde mobildi Internetti damytý jumystary belgilengen», - dedi vitse-ministr.
Onyń atap ótýinshe, osy jyldyń sońyna deiin 250-den astam turǵyny bar 928 eldi meken jyldamdyǵy joǵary 3G jáne 4G Internet jelilerimen qamtamasyz etiledi.
«Sonymen qatar Qazaqstan qosylý jyldamdyǵy 100 mBit/sekýndpen Internet qyzmetine arnalǵan eń tómengi tarif boiynsha álemniń 5 eliniń qataryna kiretindigin atap ótken oryndy», - dedi Daryn Tuiaqov.
