بيىل 928 ەلدٸ مەكەن 3G جەنە 4G ينتەرنەت جەلٸلەرٸمەن قامتاماسىز ەتٸلەدٸ. بۇل تۋرالى ورتالىق كومۋنيكاتسييالار قىزمەتٸندەگٸ بريفينگٸدە قر تسيفرلىق دامۋ, قورعانىس جەنە اەروعارىش ٶنەركەسٸبٸ ۆيتسە-مينيسترٸ دارىن تۇياقوۆ اتتى, دەپ حابارلايدى "ۇلت اقپارات".
«قازٸرگٸ ەلەمدە ادامدار نەگٸزٸنەن موبيلدٸ قۇرىلعىلاردى پايدالانادى جەنە وسى سەتتە قازاقستاندا 34 ميلليونعا جۋىق موبيلدٸ قۇرىلعى تٸركەلگەن. ونىڭ ٸشٸندە ينتەرنەتكە قوسىلعان سمارتفونداردى بەلسەندٸ پايدالاناتىن 14,9 ملن ۇيالى بايلانىس قۇرىلعىسىن پايدالاناتىن ابونەتتٸك بەلسەندٸ پايدالانۋشى بار. ولار تسيفرلىق ەلەمدە تۇرىپ جاتىر. وسىعان بايلانىستى مينيسترلٸك ەكٸمدٸكتەرمەن بٸرگە 13 اقپان كٷنٸ مەموراندۋمعا, ودان كەيٸن ەكٸمدٸكتەر كەلٸسكەن جوسپار كەستەگە قول قويدى. اتالعان جوسپار كەستەدە اۋىلدىق جەرلەردە موبيلدٸ ينتەرنەتتٸ دامىتۋ جۇمىستارى بەلگٸلەنگەن», - دەدٸ ۆيتسە-مينيستر.
ونىڭ اتاپ ٶتۋٸنشە, وسى جىلدىڭ سوڭىنا دەيٸن 250-دەن استام تۇرعىنى بار 928 ەلدٸ مەكەن جىلدامدىعى جوعارى 3G جەنە 4G ينتەرنەت جەلٸلەرٸمەن قامتاماسىز ەتٸلەدٸ.
«سونىمەن قاتار قازاقستان قوسىلۋ جىلدامدىعى 100 مبيت/سەكۋندپەن ينتەرنەت قىزمەتٸنە ارنالعان ەڭ تٶمەنگٸ تاريف بويىنشا ەلەمنٸڭ 5 ەلٸنٸڭ قاتارىنا كٸرەتٸندٸگٸن اتاپ ٶتكەن ورىندى», - دەدٸ دارىن تۇياقوۆ.
