Foto: Úkimet
Úkimet otyrysynda kólik vitse-ministri Maqsat Qaliaqparov temijol vokzaldaryn jańǵyrtý jáne kúrdeli jóndeý jumystarynyń barysy týraly aityp berdi, dep habarlaidy Ult.kz.
Ol bul jobanyń tapsyrys berýshisi – «Qazaqstan temirjoly» Ulttyq kompaniiasy ekenin, al merdiger uiymdar jergilikti atqarýshy organdar tarapynan usynylǵanyn aitty.
«Qazirgi ýaqytta 100 nysan boiynsha jobalyq-smetalyq qujatama memlekettik saraptamadan ótýde. Qys mezgiline daiyndyq qamtamasyz etilgen. Jolaýshylarǵa arnalǵan ýaqytsha qurylystar men kútý aimaqtary ázir.
124 nysannyń 121-inde qurylys-montaj jumystary júrgizilýde. Al qalǵan 3 vokzal boiynsha tarihi-mádeni mura nysandary retinde ǵylymi-zertteýler jaǵasýda. Ol nysandarǵa jóndeý 2026 jyly júrgiziletin bolady», — dedi vitse-ministr.
Onyń aitýynsha vokzaldardyń shamamen 70%-y otyz jyldan astam ýaqyt boiy jóndeý kórmegen. Tehnikalyq tekserýler nátijesinde keibir tireýish baǵandar men jekelegen konstrýktsiialarda ary qarai paidalanýǵa jaramsyz aqaýlar anyqtalǵan. Osyǵan bailanysty 42 nysan tolyqtai buzyldy.
«Biyl 80-nen astam vokzal paidalanýǵa beriledi. Jergilikti atqarýshy organdar men merdiger uiymdar qurylys-montaj jumystarynyń qarqynyn kúsheitýi qajet», — dedi ol.
