Jyl basynan beri jambyldyq 175 otbasy, barlyǵy 497 adam Soltútstik Qazaqstan, Pavlodar, Shyǵys Qazaqstan, Qostanai oblystaryna qonys aýdarǵan, dep habarlaidy "Ult aqparat".
Keiingi úsh jylǵa jýyq ýaqytta elimizdiń soltústigi men shyǵys aimaqtaryna 400-den astam jambyldyq otbasy qonys aýdarǵan. Bul «Nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan «Eńbek» baǵdarlamasy aiasynda júzege asyrylýda. Bul rette azamattardyń turmys ahýalyn jaqsartý maqsatynda atalǵan baǵdarlama sheńberinde «Eńbek resýrstarynyń utqyrlyǵyn arttyrý», iaǵni jumys kúshi tapshy óńirlerdi jumys kúshimen qamtamasyz etý úshin óz erkimen jumysshy kúshine suranys kóp aimaqtarǵa qonys aýdarýǵa járdemdesý esebinen qarastyrylǵanyn atap ótken jón.
«Biz bul baǵytty halyq arasynda keń kólemde túsindirý jumystary turaqty túrde júrgizilip keledi. Aǵymdaǵy jyl basynan beri qarasha aiyna deiin soltústik óńirlerge 175 otbasy, 497 adam qonys aýdardy. Atap aitsaq, Soltústik Qazaqstan óńirine – 61, Pavlodar oblysyna – 23, Shyǵys Qazaqstanǵa – 48, Qostanai jaqqa – 43 otbasy kóship bardy. Qonys aýdarǵan otbasylarǵa tolyǵymen qabyldaýshy óńirlik kvotasyna engizilip, barlyq múshelerine sýbsidiialar tólendi jáne olar jaldamaly turǵyn úimen qamtylǵan», - deidi oblystyq jumyspen qamtýdy úilestirý jáne áleýmettik baǵdarlamalar basqarmasynyń basshysy Timýrjan Nurymbetov.
Búginge deiin soltústik pen shyǵysqa qonys aýdarýshylardyń arasyndaǵy jumysqa qabiletti 254 azamattyń 151-i turaqty jumysqa ornalasqan. Sol siiaqty kóship barǵan otbasylardyń ishindegi 15-29 jas aralyǵyndaǵy 114 jasqa da qoldaý kórsetý joldary qarastyrylǵan desek, mektep jasyndaǵy jáne mektep jasyna deiingi 207 bala balabaqsha jáne mektep oryndarymen qamtamasyz etilipti.
«Atalǵan aimaqtarǵa kóshýge oblystyń ásirese Qordai, Baizaq, Jambyl aýdandary men Taraz qalasynyń turǵyndary jii niet bildiredi. Olardyń basym kópshiligi jer alyp, dihanshylyqpen ainalysqysy keletinder. Kóshetin azamatqa 35 ailyq eseptik kórsetkish esebinde kóshý sýbsidiiasy beriledi. Ol kóshetin otbasynyń árbir múshesine tólenedi. Barǵan jerinde ózi tańdap barǵan mamandyǵy boiynsha mindetti túrde turaqty jumysqa ornalastyrylady. Eń basty másele kóship barǵanda baspana usynylady. Ol baspanany jalǵa alý aqysyn da bir jylǵa deiin memleket tólep beredi», - deidi T.Nurymbetov.
