Biyl 9 aida ártúrli tártiptik jaýapkershilikke 889 adam tartyldy. Bul týraly QR Sybailas jemqorlyqqa qarsy is-qimyl agenttigi 1-shi departamentiniń asa mańyzdy ister jónindegi tergeýshisi Daniiar Biǵaidarov málim etti, dep habarlaidy QazAqparat.
«2020 jyldyń 9 aiynda Sybailas jemqorlyqqa qarsy qyzmet memlekettik organdarǵa qylmystyq quqyq buzýshylyq jasaýǵa jáne basqa da zań buzýshylyqtarǵa yqpal etken mán-jailardy joiý boiynsha 1 347 usynys engizdi. Qaraý nátijeleri boiynsha ártúrli tártiptik jaýapkershilikke 889 adam tartyldy. Olardyń 92-si jumystan shyǵaryldy, 94-i qyzmetinen bosatyldy, 83-i qyzmetke tolyq sáikes emestigi týraly eskertildi, 12-si qyzmetinen tómendetildi, 284-ine qatań sógis jariialandy», - dedi D. Biǵaidarov Facebook paraqshasynda ótken onlain brifingide.
Onyń aitýynsha, baqylaýdyń joqtyǵy jáne qaramaǵyndaǵylarmen zańdylyqtyń buzylýyna jol bergeni úshin tártiptik jaýapkershilikke túrli býyndaǵy 296 basshy tartyldy. Olardyń 52-si qyzmetinen bosatyldy, 11-i jumystan shyǵaryldy.
«Sybailas jemqorlyqqa qarsy qyzmettiń basshylyǵy men qyzmetkerleri eńbek ujymdarymen 412 kezdesý ótkizdi, onda 726 usynys qaraldy.Tek osy aptada óńirlerde birqatar usynystar qaraldy», - dedi agenttik ókili.
SQO boiynsha Sybailas jemqorlyqqa qarsy qyzmetiniń usynysy boiynsha (aýdannyń dene shynyqtyrý-saýyqtyrý keshenderiniń birin salý kezinde biýdjet qarajatyn urlaý týraly is boiynsha), óziniń laýazymdyq mindetterin tiisinshe oryndamaǵany, «Qazaqstan Respýblikasyndaǵy sáýlet, qala qurylysy jáne qurylys qyzmeti týraly» QR Zańynyń 73-babynyń 2-bóligin buzǵany úshin «Aqjar aýdanynyń qurylys, sáýlet jáne qala qurylysy bólimi» MM basshysy J.J. Esliambekov «qatań sógis» túrinde tártiptik jaýapkershilikke tartyldy.
Sonymen qatar, memlekettik qyzmetke kir keltiretin tártiptik teris qylyq úshin «Jambyl oblystyq stomatologiialyq emhanasy» ShJQ KMK bas dárigeri A.B. Úsenbaev «sógis» túrindegi tártiptik jaýapkershilikke tartyldy.
