Qazaqstandyqtarǵa múgedektikke bailanysty jáne asyraýshysynan aiyrylý jaǵdaiy boiynsha járdemaqylar túrinde 243 mlrd teńgeden astam qarajat tólendi. Bul týraly Eńbek ministrligi habarlady.
2020 jylǵy qańtar-tamyz aralyǵynda respýblikalyq biýdjetten múgedektikke bailanysty memlekettik áleýmettik járdemaqy tóleýge 193,8 mlrd teńge, asyraýshysynan aiyrylý jaǵdaiy boiynsha járdemaqy tóleýge 49,6 mlrd teńge bólindi.
2020 jylǵy tamyz aiynda respýblikalyq biýdjetten múgedektikke bailanysty memlekettik áleýmettik járdemaqy tóleýge 24,3 mlrd teńge, asyraýshysynan airylý jaǵdaiy boiynsha járdemaqy tóleýge 6,1 mlrd teńge baǵyttaldy.
2020 jylǵy 1 qyrkúiektegi jaǵdai boiynsha múgedektikke bailanysty memlekettik áleýmettik járdemaqy alýshylardyń sany 533,1 myń adamdy, asyraýshysynan aiyrylý jaǵdaiy boiynsha járdemaqy alýshylar sany 156,6 myń adamdy quraidy.
Múgedektik jáne asyraýshysynan aiyrylý jaǵdaiy boiynsha memlekettik áleýmettik járdemaqylar mólsheri múgedektiktiń toby men sebebine, qaitys bolǵan (qaza tapqan) asyraýshynyń asyraýynda bolǵan adamdardyń sanyna, sondai-aq tiisti qarjy jylyna arnalǵan respýblikalyq biýdjet týraly zańda belgilengen eń tómengi kúnkóris deńgeiine bailanysty bolady.
2020 jylǵy 1 qyrkúiekke múgedektigi boiynsha memlekettik áleýmettik járdemaqynyń ortasha mólsheri – 45 651 teńgeni, asyraýshysynan airylý jaǵdaiy boiynsha memlekettik áleýmettik járdemaqynyń ortasha mólsheri – 38 850 teńgeni qurady.
