قازاقستاندىقتارعا مٷگەدەكتٸككە بايلانىستى جەنە اسىراۋشىسىنان ايىرىلۋ جاعدايى بويىنشا جەردەماقىلار تٷرٸندە 243 ملرد تەڭگەدەن استام قاراجات تٶلەندٸ. بۇل تۋرالى ەڭبەك مينيسترلٸگٸ حابارلادى.
2020 جىلعى قاڭتار-تامىز ارالىعىندا رەسپۋبليكالىق بيۋدجەتتەن مٷگەدەكتٸككە بايلانىستى مەملەكەتتٸك ەلەۋمەتتٸك جەردەماقى تٶلەۋگە 193,8 ملرد تەڭگە, اسىراۋشىسىنان ايىرىلۋ جاعدايى بويىنشا جەردەماقى تٶلەۋگە 49,6 ملرد تەڭگە بٶلٸندٸ.
2020 جىلعى تامىز ايىندا رەسپۋبليكالىق بيۋدجەتتەن مٷگەدەكتٸككە بايلانىستى مەملەكەتتٸك ەلەۋمەتتٸك جەردەماقى تٶلەۋگە 24,3 ملرد تەڭگە, اسىراۋشىسىنان ايرىلۋ جاعدايى بويىنشا جەردەماقى تٶلەۋگە 6,1 ملرد تەڭگە باعىتتالدى.
2020 جىلعى 1 قىركٷيەكتەگٸ جاعداي بويىنشا مٷگەدەكتٸككە بايلانىستى مەملەكەتتٸك ەلەۋمەتتٸك جەردەماقى الۋشىلاردىڭ سانى 533,1 مىڭ ادامدى, اسىراۋشىسىنان ايىرىلۋ جاعدايى بويىنشا جەردەماقى الۋشىلار سانى 156,6 مىڭ ادامدى قۇرايدى.
مٷگەدەكتٸك جەنە اسىراۋشىسىنان ايىرىلۋ جاعدايى بويىنشا مەملەكەتتٸك ەلەۋمەتتٸك جەردەماقىلار مٶلشەرٸ مٷگەدەكتٸكتٸڭ توبى مەن سەبەبٸنە, قايتىس بولعان (قازا تاپقان) اسىراۋشىنىڭ اسىراۋىندا بولعان ادامداردىڭ سانىنا, سونداي-اق تيٸستٸ قارجى جىلىنا ارنالعان رەسپۋبليكالىق بيۋدجەت تۋرالى زاڭدا بەلگٸلەنگەن ەڭ تٶمەنگٸ كٷنكٶرٸس دەڭگەيٸنە بايلانىستى بولادى.
2020 جىلعى 1 قىركٷيەككە مٷگەدەكتٸگٸ بويىنشا مەملەكەتتٸك ەلەۋمەتتٸك جەردەماقىنىڭ ورتاشا مٶلشەرٸ – 45 651 تەڭگەنٸ, اسىراۋشىسىنان ايرىلۋ جاعدايى بويىنشا مەملەكەتتٸك ەلەۋمەتتٸك جەردەماقىنىڭ ورتاشا مٶلشەرٸ – 38 850 تەڭگەنٸ قۇرادى.
