Biyl Qazaqstan boiynsha egis alqaby 23,1 mln gektar aýmaqty qamtidy. Bul týraly QR Aýyl sharýashylyǵy birinshi vitse-ministri Aidarbek Saparov Úkimet otyrysynda aitty, dep habarlaidy QazAqparat.
«Ákimdikterdiń derekterine sáikes 2022 jylǵa arnalǵan egis alqaptarynyń boljamdy qurylymy qalyptasty. Osylaisha, jalpy egis alańy 23,1 mln gektardy quraidy. Bul 2021 jyldyń kórsetkishinen 125 myń gektarǵa artyq», - dedi ol.
Ministr orynbasarynyń málimeti boiynsha, óndiristi ártaraptandyrý jáne birtekti daqyldardan ketý biyl da jalǵasqapq. Osyǵan bailanysty bidai alańy 368,1 myń gektarǵa azaiady.
«Jem-shóp daqyldarynyń alqaby edáýir ulǵaitylyp, 3,6 mln ga qurady. Sonymen qatar, kókónis daqyldarynyń shamaly ósýi baiqalady, baqsha daqyldary 2 myń gektarǵa tómendedi», - degen ministrlik ókili jergilikti ákidikterge qaiyryldy.
«Ákimdikterden nazar aýdarýdy suraimyn. Eske sala ketsem, Úkimettiń maqta men kúrish siiaqty sýdy kóp qajet etetin daqyldardyń alqaptaryn azaitý týraly tapsyrmasy bar.
Alaida Túrkistan oblysynda maqta alqaptary 5 myń gektarǵa ósimi baiqalady. Onyń negizgi sebebi 2021 jylǵy satyp alý baǵasynyń 2020 jylǵa qaraǵanda 220 myń teńgege artyq bolýy (tonnasyna 350 myń teńge).
Kúrish boiynsha alqap kólemi 6,5 myń gektarǵa azaiyp, 89,9 myń gektar egiletin bolady.
Qyzylorda jáne Túrkistan oblystarynyń ákimdigi aldaǵy kezeńde ońtústik óńirlerdi sý resýrstarymen qamtamasyz etý jónindegi Ekologiia ministrliginiń boljamyn eskere otyryp, tiisti jumys júrgizýi qajet.
Maily daqyldar boiynsha alqaptar 61,7 myń gektarǵa azaiady dep boljanýda. Sonymen qatar bul zyǵyr, maqsary jáne qysha siiaqty daqyldar, kúnbaǵys alqaptary ulǵaityldy.
Qant qyzylshasy siiaqty áleýmettik mańyzdy mádeniettiń josparlanǵan kórsetkishteri tómendeidi. Esterińizge sala keteiik, Qazaqstannyń qyzylsha qant salasyn damytý jónindegi jol kartasy Úkimettiń baqylaýynda», - dedi Aidarbek Saparov.
