Foto: ashyq derekkóz
Ishki ister ministrligi ata-analarǵa úndeý jasady. Polisia.kz saitynyń habarlaýynsha, IIM kámeletke tolmaǵandardyń esirtki ainalymyna tartylýyna bailanysty alańdaýshylyq bildirip, erekshe qyraǵylyq tanytýǵa shaqyrdy, dep habarlaidy Ult.kz.
IIM Esirtki qylmysyna qarsy is-qimyl komitetiniń málimetinshe, 2025 jyldyń alǵashqy úsh aiynda el boiynsha tyiym salynǵan zattardy saqtaý jáne taratý kúdigimen 23 jasóspirim ustalǵan. Olardyń qatarynda kolledjderdiń birinshi kýrs stýdentteri men 9-11 synyp oqýshylary bar.
Qazaqstan Respýblikasynyń Qylmystyq kodeksine sáikes, esirtkini saqtaý jáne taratý boiynsha qylmystyq jaýapkershilik 16 jastan bastalady. 296 jáne 297-baptarǵa sáikes esirtkini saqtaǵany jáne taratqany úshin bas bostandyǵynan aiyrý jazasy kózdelgen. Sonymen qatar, esirtkini nasihattaý jáne jarnamalaý, sonyń ishinde internet pen áleýmettik jeliler arqyly taratý, 299-1-bapqa sáikes qylmystyq jaýapkershilikke tartylady. Zańdy bilmeý jaýapkershilikten bosatpaitynyn eske salamyz.
IIM Esirtki qylmysyna qarsy is-qimyl komiteti tóraǵasynyń orynbasary Qýandyq Áljanov ata-analardy balalardyń ainalasyn jáne bos ýaqytynda nemen ainalysatynyn muqiiat baqylaýǵa shaqyrdy. Onyń aitýynsha, qaýiptiń aldyn alý – basty mindet.
"Balalardyń bolashaǵy bizdiń qolymyzda. Tek birlesip qana biz esirtkisiz qaýipsiz qoǵamdy qura alamyz," – dedi ol.
