Biyl 200 mekteptiń qurylysy aiaqtalady. Bul týraly QR Premer-Ministri Asqar Mamin aitty, dep habarlaidy "Ult aqparat".
«Bilim berý salasynyń infraqurylymyn damytý úshin biylǵy jyldyń sońyna deiin 1 015 mektep jańǵyrtylyp, 200 mekteptiń qurylysy aiaqtalady. 14,3 myń orynǵa arnalǵan 48 jataqhana paidalanýǵa beriledi», - dedi Premer-Ministr Úkimettiń keńeitilgen otyrysynda.
Úkimet basshysynyń atap ótýinshe, ǵylymdy damytý maqsatynda ǵalymdardyń taǵylymdamasy úshin 500 grant, ǵylymi jobalar úshin 1000 grant beriledi.
«535 kolledj, 5,5 myń kásiporyn men uiymdar dýaldi oqytýmen qamtylady, jalpy stýdent sany – 58 myń», - dedi Asqar Mamin.
