Elimizde joldardyń sapasyn aspaptyq zertteýdiń tsifrlandyrylǵan aqparattyq júiesi synaqtan ótip jatyr, dep habarlaidy "Ult aqparat".
«Júie biyl aqparattyq qaýipsizdik talaptaryna sáikes kelý boiynsha synaqtan ótkennen keiin, ónerkásiptik paidalanýǵa berilmek. Jol aktivterin basqarý júiesi – jiti júrgizilgen aspapty zertteý derekteri boiynsha jóndeýge qajetti investitsiia kólemderin boljaityn arnaiy jetildirilgen aqparattyq júie», - dep jazady ministrliktiń resmi saity.
Endi jolǵa jaýapty mamandar osy júieniń kómegimen joldaǵy aqaýlardy erte bastan joiyp, sonyń arqasynda kúrdeli shyǵyndardyń aldyn alamyz dep otyr.
Atalmysh aqparattyń júie kóshpeli zerthanalardyń kómegimen jol jaǵdaiyn aspaptyq zertteýge múmkindik beredi.
«Biyl respýblikalyq mańyzǵa ie joldardyń 19 myń shaqyrymy aspapty diagnostikadan ótkiziledi. Zertteý quny 1,5 mlrd teńge. Bolashaqta diagnostikalaý jumystarymen jergilikti mańyzy bar joldardy qamtý josparlanyp otyr», - delingen resmi aqparatta.
