© Sputnik/Aleksandr Miroglov
Ǵani Beisembaev bir jylda atqarylǵan jumysty qorytyndylap, balalardyń óz muǵalimderine, mektep ujymyna, ata-analaryna alǵys aitýyna múmkindik beretinin atap ótti.
"Búgin sizdermen birge elimizdegi tórt millionǵa jýyq oqýshy kelesi synyptarǵa aýysady. Bir jylda sizder eseiip, oqýda, shyǵarmashylyqta, sportta úlken jetistikterge jettińizder. Osy oqý jylynda bizdiń oqýshylar 10 halyqaralyq olimpiadada 243 medal jeńip aldy. Onyń ishinde 20 altyn, 95 kúmis, 128 qola medal bar. Sizderdiń árqaisylaryńyz óz nátijelerińizben maqtana alasyzdar! Sizderdi shyn júrekten quttyqtaimyn jáne munymen toqtap qalmaýlaryńyzdy tileimin!", - dedi ol óz quttyqtaýynda.
Ministr sondai-aq sý tasqynymen kúreste aldyńǵy qatarda bolyp, kómekke jumylǵan qazaqstandyq pedagogterge alǵysyn bildirdi.
"Qiyndyqtarǵa moiynsunbai, balalarymyzdy oqytýdy jalǵastyrdyńyzdar, mektepterdi qutqaryp, muqtaj jandarǵa qoldaý kórsettińizder jáne aǵartýshylyq missiiany adal atqardyńyzdar. Sizderdiń eren eńbekterińiz ben ustazdyq kásipke adaldyqtaryńyz úshin eń shynaiy rizashylyǵymdy bildiremin!", - dedi Ǵani Beisembaev.
Aita ketý kerek, 2023-2024 oqý jylyn 3,8 mln-nan astam oqýshy aiaqtaýda. Onyń ishinde 186 myńnan astam 11-synypty bitirýshi bar. Sondai-aq 150 myńnan astam kolledj bitirýshi diplom ielenip, tolyqqandy maman bolady.
