Jol aktivterin tsifrlyq basqarý júiesi 2025 jylǵa deiin óńirlerge de engiziledi, dep habarlaidy "Ult aqparat".
Byltyr respýblikalyq jáne jergilikti joldardy jóndeý nysandarynda 810 buzýshylyq anyqtaldy Onyń 340-y respýblikalyq, 470-i jergilikti jelide tirkelgen. Úkimet otyrysynda Indýstriia jáne infraqurylymdyq damý ministri Beibit Atamqulov osyndai derekter aitty.
«Jol sapasyn daǵalaýdyń arqasynda merdigerlik uiymdar men tehnikalyq qadaǵalaý sarapshylary materialdardyń sapasy men tehnologiianyń saqtalýyna basa nazar aýdara bastady. Biyl respýblikalyq jáne jergilikti jeliler boiynsha jol-qurylys jumystary tolyq sapa saraptamasymen qamtylady. Quraldyq tekserý respýblikalyq jeliniń 18 myń shaqyrymyna júrgiziledi. Onyń qorytyndysy boiynsha jóndeý jónindegi is-sharalar kesheni ázirlenedi», - dedi ministr.
Beibit Atamqulovtyń málimetinshe, jol aktivterin tsifrlyq basqarý júiesin daiyndaý jobasy sátti iske asyp jatyr.
«Bul júie aǵymdaǵy jyly respýblikalyq jáne 2025 jylǵa deiin jergilikti jelige engizilmek. Sondai-aq, jyl sońyna deiin 42 salalyq normativtik-tehnikalyq qujat halyqaralyq standart talaptaryna sáikestendiriledi», - dedi ol.
