2019 jylǵy 1 jeltoqsandaǵy jaǵdai boiynsha Nátijeli jumyspen qamtýdy jáne jappai kásipkerlikti damytýdyń 2017 - 2021 jyldarǵa arnalǵan «Eńbek» memlekettik baǵdarlamasyna qatysýshylardyń quramyna múgedektigi bar 16,5 myń adam kirdi.
Bul qatysýshylardyń jalpy sanynyń 2,6%-yn quraidy (622,7 myń adam), onyń ishinde 14,4 myń adam jumysqa ornalastyrylsa, onyń ishinde turaqty jumys oryndaryna – 7,7 myń adam turǵyzyldy, dep habarlady QR Eńbek jáne halyqty áleýmettik qorǵaý ministrliginiń resmi saity.
Eńbek naryǵynda suranysqa ie kásipter boiynsha kásiptik daǵdylardy qalyptastyrý maqsatynda azamattardyń jekelegen sanattary úshin qysqamerzimdi kýrstar ótkizýdi kózdeitin «Eńbek» memlekettik baǵdarlamasynyń birinshi baǵyty aiasynda 1942 múgedek bilim alýda, onyń ishinde 1 213 oqýdy aiaqtap, 603 adam jumysqa ornalastyryldy.
«Eńbek» Memlekettik baǵdarlamasynyń ekinshi baǵyty boiynsha azamattardyń kásipkerlik bastamalaryn damytýdy, «Bastaý Biznes» jobasy boiynsha kásipkerlik negizderine oqytýmen 1 847 adam qamtyldy. Óz biznes jobalaryn 450 múgedektigi bar adam qorǵap shyǵyp, onyń ishinde 145 adam mikrokreditter men granttar aldy.
Sonymen qatar, 554 múgedektigi bar adam mikrokredit alyp, 659 adam grantqa ie boldy.
Memlekettik baǵdarlamanyń úshinshi baǵyty azamattardyń jekelegen sanattaryn jumyspen qamtý úshin memleket tarapynan sýbsidiialanatyn jumys oryndaryn qurýdy qarastyrady. Ony júzege asyrý aiasynda bos jumys oryndaryna 7 665 adam, áleýmettik jumys oryndaryna 1 048, qoǵamdyq jumystarǵa 5 069 adam, jastar praktikasyna 551 adam jiberildi.
Osyǵan qosa, múgedektigi bar adamdarǵa arnalǵan jumys oryndaryn kvotalaýdyń nátijesinde 3000 adam jumysqa ornalastyryldy.
Sondai-aq múgedektigi bar adamdar úshin 24 arnaiy jumys orny quryldy.
