Aldyn ala esep boiynsha Qazaqstanda biyl júz myńnan astam jasóspirim áskeri esepke alynady. Bul týraly "Ult aqparat" Qorǵanys ministrliginiń baspasóz qyzmetine silteme jasap habarlaidy.
«Áskeri qyzmet jáne áskeri qyzmetshilerdiń mártebesi týraly» Qazaqstan Respýblikasynyń Zańyna sáikes biyl on jeti jasqa tolatyn jasóspirimder tirkelýge jatady.
Qazirgi ýaqytta jergilikti áskeri basqarý organdary azamattardy áskerge shaqyrý ýchaskelerine tirkeýdi júrgizedi, olardyń sanyn, áskeri qyzmetke jaramdylyǵyn anyqtaidy, bilim deńgeiin, dene daiarlyǵyn belgileidi.
«Jergilikti atqarýshy organdardyń sheshimimen meditsinalyq komissiialar quryldy. Jastarman laýazymdy tulǵalar áńgime júrgizip, tiisti qujattardyń bar-joǵyn tekseredi, sodan keiin meditsinalyq kýálandyrýdan ótedi», - dedi QR QK Bas shtaby Uiymdastyrý-jumyldyrý jumystary departamentiniń ókili podpolkovnik Azamat Dosymov.
Barlyq tekserýlerden keiin jasóspirimderge shaqyrý ýchaskesine tirkeý týraly kýálik jazylyp, qolyna birinshi áskeri qujat beriledi.
Tirkeý naýqany barysynda jasóspirimderge áskeri qyzmettiń artyqshylyqtary men keleshegin, sondai-aq QR Qorǵanys ministrliginiń oqý oryndaryna túsý erejeleri jóninde de aitylady.
Aita ketsek, azamattardy shaqyrý ýchaskelerine tirkeý Qazaqstanda jyl saiyn, qańtardan bastap naýryzǵa deiin úsh ai boiy júrgiziledi.
Tirkeý naýqany sanitarlyq-epidemiologiialyq talaptardy saqtaýmen ótkiziledi.
