الدىن الا ەسەپ بويىنشا قازاقستاندا بيىل جٷز مىڭنان استام جاسٶسپٸرٸم ەسكەري ەسەپكە الىنادى. بۇل تۋرالى "ۇلت اقپارات" قورعانىس مينيسترلٸگٸنٸڭ باسپاسٶز قىزمەتٸنە سٸلتەمە جاساپ حابارلايدى.
«ەسكەري قىزمەت جەنە ەسكەري قىزمەتشٸلەردٸڭ مەرتەبەسٸ تۋرالى» قازاقستان رەسپۋبليكاسىنىڭ زاڭىنا سەيكەس بيىل ون جەتٸ جاسقا تولاتىن جاسٶسپٸرٸمدەر تٸركەلۋگە جاتادى.
قازٸرگٸ ۋاقىتتا جەرگٸلٸكتٸ ەسكەري باسقارۋ ورگاندارى ازاماتتاردى ەسكەرگە شاقىرۋ ۋچاسكەلەرٸنە تٸركەۋدٸ جٷرگٸزەدٸ, ولاردىڭ سانىن, ەسكەري قىزمەتكە جارامدىلىعىن انىقتايدى, بٸلٸم دەڭگەيٸن, دەنە دايارلىعىن بەلگٸلەيدٸ.
«جەرگٸلٸكتٸ اتقارۋشى ورگانداردىڭ شەشٸمٸمەن مەديتسينالىق كوميسسييالار قۇرىلدى. جاستارمان لاۋازىمدى تۇلعالار ەڭگٸمە جٷرگٸزٸپ, تيٸستٸ قۇجاتتاردىڭ بار-جوعىن تەكسەرەدٸ, سودان كەيٸن مەديتسينالىق كۋەلاندىرۋدان ٶتەدٸ», - دەدٸ قر قك باس شتابى ۇيىمداستىرۋ-جۇمىلدىرۋ جۇمىستارى دەپارتامەنتٸنٸڭ ٶكٸلٸ پودپولكوۆنيك ازامات دوسىموۆ.
بارلىق تەكسەرۋلەردەن كەيٸن جاسٶسپٸرٸمدەرگە شاقىرۋ ۋچاسكەسٸنە تٸركەۋ تۋرالى كۋەلٸك جازىلىپ, قولىنا بٸرٸنشٸ ەسكەري قۇجات بەرٸلەدٸ.
تٸركەۋ ناۋقانى بارىسىندا جاسٶسپٸرٸمدەرگە ەسكەري قىزمەتتٸڭ ارتىقشىلىقتارى مەن كەلەشەگٸن, سونداي-اق قر قورعانىس مينيسترلٸگٸنٸڭ وقۋ ورىندارىنا تٷسۋ ەرەجەلەرٸ جٶنٸندە دە ايتىلادى.
ايتا كەتسەك, ازاماتتاردى شاقىرۋ ۋچاسكەلەرٸنە تٸركەۋ قازاقستاندا جىل سايىن, قاڭتاردان باستاپ ناۋرىزعا دەيٸن ٷش اي بويى جٷرگٸزٸلەدٸ.
تٸركەۋ ناۋقانى سانيتارلىق-ەپيدەميولوگييالىق تالاپتاردى ساقتاۋمەن ٶتكٸزٸلەدٸ.
