6 qazan kúngi saǵat 08:00-degi jedel málimet boiynsha, densaýlyq saqtaý uiymdaryna qaladaǵy tártipsizdikterden zardap shekken 590 adam kelgen.
Olardyń arasynda 439 adam alǵashqy meditsinalyq kómek kórsetilgen soń, ambýlatorlyq em alýǵa jiberildi.
Zardap shekken 150 adam túrli jaraqattarmen aýrýhanaǵa jatqyzyldy, sonyń ishinde 13 adam jansaqtaý bóliminde jatyr. Bul týraly Qyrǵyzstannyń KABAR agenttigi habarlaidy.
Qyrǵyz respýblikasynyń densaýlyq saqtaý ministrliginiń málimetterinshe, Bishkektegi travmatologiia jáne ortopediia ǵylymi-zertteý ortalyǵyna zardap shekken 288 adam kelip túsken, sonyń ishinde 69 adam aýrýhanaǵa jatqyzyldy. Zardap shekken 5 adam jansaqtaý bóliminde jatyr.
Ulttyq gospitalge zardap shekken 164 adam jetkizildi, sonyń ishinde 58 adam aýrýhanaǵa jatqyzylǵan. 6 adam jansaqtaý bóliminde jatyr, bir adam qaitys boldy (belgisiz er adam, aziialyq ult).
#1 qalalyq klinikalyq aýrýhanaǵa zardap shekken 30 adam jetkizilgen, sonyń ishinde 23 adam ambýlatorlyq em alýǵa jiberildi. 7 adam aýrýhanaǵa jetkizilgen, sonyń ishinde bireýi jansaqtaý bóliminde jatyr.
Shý oblystyq aýrýhanasyna 93 adam kelip túsken, 90 adam ambýlatorlyq em alýǵa jiberildi. Úsheýi aýrýhanaǵa jatqyzylǵan, bir adam jansaqtaý bóliminde jatyr.
Ulttyq hirýrgiia ortalyǵyna 15 adam kelip túsken, sonyń ishinde ekeýi ambýlatorlyq em alýǵa jiberildi, 13 adam aýrýhanaǵa jatqyzyldy.
