kollaj: Tengrinews.kz
Bishkekte uiymdasqan qylmystyq top músheleri qazaqstandyqty tonap, jábirlenýshiden 40 myń dollar (18,7 million teńge) alyp ketken, - dep habarlaidy Tengrinews.kz agenttigi.
Bishkek qalalyq MIIB málimetinshe, 10 jeltoqsanda Qazaqstan azamaty Oktiabr aýdandyq ishki ister basqarmasyna 7 jeltoqsan saǵat 15:00-de Botanikalyq baqta ózine shabýyl jasaǵan belgisiz tulǵalarǵa shara qoldanýdy surap aryzdanǵan. Olar tapanshamen qorqytyp, jábirlenýshiniń 40 myń dollaryn alyp ketken. Tonaý deregi boiynsha qylmystyq is qozǵalǵan.
Jedel ýákilderge qaraqshylyq shabýylǵa úsh adamnan turatyn uiymdasqan qylmystyq toptyń qatysy bar ekeni belgili boldy.
"Qylmystyq izdestirý qyzmetkerleri arnaiy jasaq qoldaýymen UQT músheleri retinde jedel esepte turǵan kúdiktilerdi ustady. Oktiabr aýdandyq soty kúdiktilerdi Bishkek-1 tergeý izoliatoryna eki ai merzimge qamaýǵa aldy", - dedi militsiia ókilderi.
Kúdiktilerdiń biriniń úiin tintý kezinde 5,5 myń dollar men bes oq, travmatikalyq Makarov tapanshasy tárkilengen.
