كوللاج: Tengrinews.kz
بٸشكەكتە ۇيىمداسقان قىلمىستىق توپ مٷشەلەرٸ قازاقستاندىقتى توناپ, جەبٸرلەنۋشٸدەن 40 مىڭ دوللار (18,7 ميلليون تەڭگە) الىپ كەتكەن, - دەپ حابارلايدى Tengrinews.kz اگەنتتٸگٸ.
بٸشكەك قالالىق مٸٸب مەلٸمەتٸنشە, 10 جەلتوقساندا قازاقستان ازاماتى وكتيابر اۋداندىق ٸشكٸ ٸستەر باسقارماسىنا 7 جەلتوقسان ساعات 15:00-دە بوتانيكالىق باقتا ٶزٸنە شابۋىل جاساعان بەلگٸسٸز تۇلعالارعا شارا قولدانۋدى سۇراپ ارىزدانعان. ولار تاپانشامەن قورقىتىپ, جەبٸرلەنۋشٸنٸڭ 40 مىڭ دوللارىن الىپ كەتكەن. توناۋ دەرەگٸ بويىنشا قىلمىستىق ٸس قوزعالعان.
جەدەل ۋەكٸلدەرگە قاراقشىلىق شابۋىلعا ٷش ادامنان تۇراتىن ۇيىمداسقان قىلمىستىق توپتىڭ قاتىسى بار ەكەنٸ بەلگٸلٸ بولدى.
"قىلمىستىق ٸزدەستٸرۋ قىزمەتكەرلەرٸ ارنايى جاساق قولداۋىمەن ۇقت مٷشەلەرٸ رەتٸندە جەدەل ەسەپتە تۇرعان كٷدٸكتٸلەردٸ ۇستادى. وكتيابر اۋداندىق سوتى كٷدٸكتٸلەردٸ بٸشكەك-1 تەرگەۋ يزولياتورىنا ەكٸ اي مەرزٸمگە قاماۋعا الدى", - دەدٸ ميليتسييا ٶكٸلدەرٸ.
كٷدٸكتٸلەردٸڭ بٸرٸنٸڭ ٷيٸن تٸنتۋ كەزٸندە 5,5 مىڭ دوللار مەن بەس وق, تراۆماتيكالىق ماكاروۆ تاپانشاسى تەركٸلەنگەن.
