Bishkektiń Ala-Too alańyndaǵy mitingte zardap shekken bes adam ulttyq gospitalge jetkizildi, dep habarlaidy Kabar agenttigi.
Bul jaily Qyrǵyzstannyń densaýlyq saqtaý ministrligi resmi málimet taratqan.
Jaraqattanǵandardyń ekeýi ambýlatorlyq kómek alǵan, al úsheýi ortasha aýyr jaǵdaida gospitalge jatqyzylǵan.
Ministrliktiń málimetinshe, «Ata Meken» partiiasynan depýtattyqqa kandidat Tilek Toqtoǵaziev te ortasha aýyr jaǵdaida aýrýhanaǵa túsken.
Aita keteiik, Ala-Too alańynda ótken mitingte ártúrli partiiany jaqtaýshy taraptardyń arasynda qaqtyǵys bolǵan.
Bishkektegi jaǵdai 5 qazanda parlament sailaýyna kóńili tolmaǵandar mitingke shyqqaly beri tynyshtalmai otyr.
