«Bishkeksýýkanaly» óndiristik-paidalaný basqarmasynyń (ÓPB) strategiialyq mańyzdy nysanyn reiderlik jolmen basyp alýǵa daiyndyq júrýde, dep habarlaidy Kabar agenttigi.
«Qurmetti qyrǵyzstandyqtar! «Bishkeksýýkanaly» ÓPB ujymy jurtshylyqqa, Úilestirý keńesine, Premer-Ministrdiń mindetin ýaqytsha atqarýshy S.Japarovqa júginedi. Strategiialyq mańyzdy nysan - «Bishkeksýýkanaly» ÓPB-ny reiderlik jolmen basyp alýǵa daiyndyq júrýde. Basqarmanyń negizgi mindeti – sýmen jabdyqtaý jáne sý tartý.
Sý arnasynyń qyzmetkerleri saiasattan tysqary. 24/7 demalyssyz jáne mereke kúnderinsiz jumys isteidi. Basqarma ujymy úilesimdi mehanizm retinde úzilissiz jumys isteidi. Alaida, keibir destrýktivti kúshter sońǵy oqiǵalar aiasynda jaǵdaidy paidalanyp, «Bishkeksýýkanaly» ÓPB-ny óz qoldaryna alýǵa bekingen. «Bishkeksýýkanaly» ÓPB ujymy saiasattan tysqary jáne óziniń tikelei mindetimen ǵana ainalysatynyn taǵy bir márte málimdeimiz. Ol Bishkek pen onyń ainalasyn aýyz sýmen, sondai-aq aǵyndy sýlardy kanalizatsiiamen qamtamasyz etedi. Jurtshylyqty «Bishkeksýýkanaly» ÓPB ujymyn qoldaýǵa jáne Qyrǵyzstan astanasy úshin strategiialyq mańyzdy nysandy reiderlik basyp alýǵa jol bermeýge shaqyramyz», - delingen habarlamada.
Aita keteiik, jeksenbi, 4 qazan kúni Qyrǵyzstanda Jogorký Keneshke depýtattarynyń sailaýy ótti. Depýtattyq mandatqa 16 partiia úmitkerlik etti. Daýys berýdiń aldyn ala málimeti boiynshy, 7% mejeni 4 partiia eńserdi. Al, 5 qazan kúni sailaý nátijesine kóńili tolmaǵan bir top adam ortalyq alańda miting uiymdastyryp, onyń sońy jappai tártipsizdikterge ulasty.
