15 naýryzdan bastap "Bishkek qalasynyń joldar jelisin damytý" jobasynyń ekinshi kezeńi júzege asyryla bastaidy. Jobany qytailyq Shina Road and Bridge Corporation atqarady. Bul korporatsiia buǵan deiin jól jóndeý boiynsha arnaiy tenderdi utyp alǵan.
Resmi aqparat boiynsha, jol jóndeý jumystary resmi túrde 2020 jyly kúzde bastalǵan. Jobanyń alǵashqy kezeńinde 7 kópir salynǵan, jalpy uzyndyǵy 95 shaqyrym bolatyn 49 kóshe jóndelgen.
Jospar boiynsha, 2021 jyly - 43 kóshe, 2022 jyly 17 kóshe jóndelýi tiis. Joba aiasynda buǵan qosa, 5 kópir salynbaq. Kóptegen kósheler keńeiip, trotýar, sýǵarý júieleri qaita salynady.
"Bishkek qalasynyń joldar jelisin damytý" jobasy úsh kezeńnen turady. Oǵan 300 million iýan (shamamen 44 mln dollar) kóleminde grant bólindegi jaily 2016 jyly habarlanǵan.
Resmi málimet boiynsha, Qyrǵyzstan 1992-2018 jyly aralyǵynda 10 mlrd dollar kóleminde syrttan kómek alǵan. 26 paiyzy jol, kólikke jumsalǵan. Jolǵa jumsalǵan granttardyń basym bóligin qytailyq Eksim bank bergen.
