«Atameken» UKP basshysy Raiymbek Batalov Qýandyq Bishimbaevtyń sózderinen soń málimdeme jasady.
Batalov sot protsesine qatysty pikir bildirgisi kelmegenin, biraq ózine qatysty túrli aiyptaýlardan soń ári qarai shydai almaǵanyn aitady.
"Bishimbaevtyń sot protsesine qatysty sońyna deiin pikir bildirgim kelmegen edi. Biraq meniń ar-namysyma nuqsan keltiretin, atymdy qaralaityn tolassyz sózderden soń shydap otyra almadym.
Sumdyq qylmys jasaǵan adamnyń meniń tarapyma aitqan sózderi – tap-taza sandyraq. Munyń bári jalǵan. Ótirikke senbeýge shaqyramyn. BAQ ókilderi men blogerlerdi jalǵan aqparat taratpaýǵa shaqyramyn.
Onsyz da qaiǵydan qan jutyp otyrǵan Saltanattyń týystarynyń qyzynyń namysyn qorǵaýǵa májbúr bolǵany óte ókinishti. Bul sumdyq jait. Núkenovter otbasyna kóńil aitamyn", - dedi Batalov.
