«اتامەكەن» ۇكپ باسشىسى رايىمبەك باتالوۆ قۋاندىق بيشٸمباەۆتىڭ سٶزدەرٸنەن سوڭ مەلٸمدەمە جاسادى.
باتالوۆ سوت پروتسەسٸنە قاتىستى پٸكٸر بٸلدٸرگٸسٸ كەلمەگەنٸن, بٸراق ٶزٸنە قاتىستى تٷرلٸ ايىپتاۋلاردان سوڭ ەرٸ قاراي شىداي الماعانىن ايتادى.
"بيشٸمباەۆتىڭ سوت پروتسەسٸنە قاتىستى سوڭىنا دەيٸن پٸكٸر بٸلدٸرگٸم كەلمەگەن ەدٸ. بٸراق مەنٸڭ ار-نامىسىما نۇقسان كەلتٸرەتٸن, اتىمدى قارالايتىن تولاسسىز سٶزدەردەن سوڭ شىداپ وتىرا المادىم.
سۇمدىق قىلمىس جاساعان ادامنىڭ مەنٸڭ تاراپىما ايتقان سٶزدەرٸ – تاپ-تازا ساندىراق. مۇنىڭ بەرٸ جالعان. ٶتٸرٸككە سەنبەۋگە شاقىرامىن. باق ٶكٸلدەرٸ مەن بلوگەرلەردٸ جالعان اقپارات تاراتپاۋعا شاقىرامىن.
ونسىز دا قايعىدان قان جۇتىپ وتىرعان سالتاناتتىڭ تۋىستارىنىڭ قىزىنىڭ نامىسىن قورعاۋعا مەجبٷر بولعانى ٶتە ٶكٸنٸشتٸ. بۇل سۇمدىق جايت. نٷكەنوۆتەر وتباسىنا كٶڭٸل ايتامىن", - دەدٸ باتالوۆ.
