.webp)
Foto: Baqytjan Baijanov / Joǵarǵy sot
Sot azamattyq áieli Saltanat Núkenovany óltirdi dep sottalǵan Qýandyq Bishimbaevtyń baýyry Baqytjan Baijanovqa raqymshylyq jasaý týraly ótinish boiynsha sheshim shyǵardy, dep habarlaidy Ult.kz.
Stepnogorsk qalalyq soty QAJ mekemesiniń "QR Konstitýtsiiasynyń otyz jyldyǵyna bailanysty raqymshylyq jasaý týraly"zańdy qoldana otyryp, sottalǵan Baijanovqa jazasyn óteý merzimin qysqartý týraly usynysyn qarady.
Sot sheshimi boiynsha Baijanovtyń jazasyn óteý merzimi úshten bir bólikke qysqarady. Onyń jaza óteý merzimi segiz ai segiz kúndi quraidy.Sottalýshy 2026 jylǵy qarashada bosatylady.
Baijanovtyń jazasyn óteý merzimi 2027 jylǵy 18 shildede aiaqtalýǵa tiis bolǵan.
"Jazasyn óteý barysynda jaǵymdy minezdeme berilgen. Sot úkimi boiynsha talap-aryz tolyq ótelgen. Ustaý jaǵdaiynda minez-qulqy birinshi oń deńgeide baǵalanǵan, eki ret kótermeleýge ie bolǵan", – delingen habarlamada.
Prokýror da bul pikirmen kelise otyryp, ótinishti qanaǵattandyrýdy suraǵan.
