سوت بيشٸمباەۆتىڭ باۋىرىنا جازا مەرزٸمٸن قىسقارتتى

فوتو: باقىتجان بايجانوۆ / جوعارعى سوت

سوت ازاماتتىق ەيەلٸ سالتانات نٷكەنوۆانى ٶلتٸردٸ دەپ سوتتالعان قۋاندىق بيشٸمباەۆتىڭ باۋىرى باقىتجان بايجانوۆقا راقىمشىلىق جاساۋ تۋرالى ٶتٸنٸش بويىنشا شەشٸم شىعاردى, دەپ حابارلايدى Ult.kz.

ستەپنوگورسك قالالىق سوتى قاج مەكەمەسٸنٸڭ "قر كونستيتۋتسيياسىنىڭ وتىز جىلدىعىنا بايلانىستى راقىمشىلىق جاساۋ تۋرالى"زاڭدى قولدانا وتىرىپ, سوتتالعان بايجانوۆقا جازاسىن ٶتەۋ مەرزٸمٸن قىسقارتۋ تۋرالى ۇسىنىسىن قارادى.

سوت شەشٸمٸ بويىنشا بايجانوۆتىڭ جازاسىن ٶتەۋ مەرزٸمٸ ٷشتەن بٸر بٶلٸككە قىسقارادى. ونىڭ جازا ٶتەۋ مەرزٸمٸ سەگٸز اي سەگٸز كٷندٸ قۇرايدى.سوتتالۋشى 2026 جىلعى قاراشادا بوساتىلادى.

بايجانوۆتىڭ جازاسىن ٶتەۋ مەرزٸمٸ 2027 جىلعى 18 شٸلدەدە اياقتالۋعا تيٸس بولعان.

"جازاسىن ٶتەۋ بارىسىندا جاعىمدى مٸنەزدەمە بەرٸلگەن. سوت ٷكٸمٸ بويىنشا تالاپ-ارىز تولىق ٶتەلگەن. ۇستاۋ جاعدايىندا مٸنەز-قۇلقى بٸرٸنشٸ وڭ دەڭگەيدە باعالانعان, ەكٸ رەت كٶتەرمەلەۋگە يە بولعان", – دەلٸنگەن حابارلامادا.

پروكۋرور دا بۇل پٸكٸرمەن كەلٸسە وتىرىپ, ٶتٸنٸشتٸ قاناعاتتاندىرۋدى سۇراعان.