Foto: Joǵarǵy sot
Qýandyq Bishimbaevtyń burynǵy jubaiy ony ata-ana quqyǵynan aiyrýdy talap etken, alaida sot bul talapty qanaǵattandyrmaǵan. Astana sot ákimshiligi departamenti ókilderi NUR.KZ basylymynyń resmi saýalyna bergen jaýabynda munyń sebebin túsindirdi.
Jaýapta aitylǵandai, Nazym Qaharmannyń aryzy Astana qalasynyń Kámeletke tolmaǵandardyń isteri jónindegi mamandandyrylǵan aýdanaralyq sotynda qaralǵanymen, onyń aryzy qanaǵattandyrylmaǵan.
Sottyń sheshimi ata-analardy ata-ana quqyǵynan aiyrý, "Neke (erli-zaiyptylyq) jáne otbasy" týraly Kodekstiń 75-babynda qarastyrylmaǵan negizder boiynsha múmkin emes dep túsindirilip otyr. Sottyń málimdeýinshe, Kodekstiń 75-babyna sáikes, ata-analar mynadai jaǵdailarda ata-ana quqyǵynan aiyrylady:
- • Ata-ana mindetterin oryndaýdan jaltarǵan jaǵdaida, sonyń ishinde aliment tóleýden qasaqana bas tartsa;
- • Balasyn perzenthanadan, balalar úiinen nemese ata-anasyz qalǵan balalarǵa arnalǵan mekemelerden alýdan negizsiz bas tartsa;
- • Ata-ana quqyqtaryn asyra paidalansa;
- • Balasyna qatygezdik kórsetse, sonyń ishinde oǵan fizikalyq nemese psihologiialyq zorlyq-zombylyq jasasa, onyń jynystyq tiispeýshiligine qaýip tóndirse;
- • Qumar oiyndarmen, bás tigýmen, ishimdik nemese esirtki zattarymen shekten tys áýestense.
"Sotta jaýapkerdiń balalardyń densaýlyǵy, adamgershilik tárbiesi, fizikalyq, psihikalyq jáne rýhani damýy, materialdyq qamtylýy, bilimi jáne eńbekke daiyndyǵyna tiisti kóńil bólmegeni týraly dálelder keltirilmegen," - dep málimdedi Astana qalasynyń sot ákimshiligi departamenti.
Sondai-aq, bul sheshim áli zańdy kúshine enbegeni atap ótildi.
Eske salaiyq, Qýandyq Bishimbaevtyń burynǵy jubaiy Nazym Qaharman ony ata-ana quqyǵynan aiyrýdy talap etkenin málimdegen bolatyn. Sondai-aq ol Joǵarǵy Sot pen Bas Prokýratýraǵa úndeý jasap, baspasóz konferentsiiasynda sóz sóilegen.
Advokat Mádina Ýatbekova ata-ana quqyǵynan aiyrý týraly aryzda Qýandyq Bishimbaevtyń otbasy múshesin óltirý jáne balalarǵa psihologiialyq zorlyq kórsetý degen eki negizdi kórsetkenin atap ótken.
