Astanada jubaiy Saltanat Núkenovany óltirdi dep aiyptalǵan burynǵy Ulttyq ekonomika ministri Qýandyq Bishimbaevtyń isi boiynsha aldyn ala tyńdaý ótip jatyr. Bul týraly "Ult aqparat" habarlaidy.
Memlekettik aiyptaýshynyń aitýynsha, Qýandyq Bishimbaev pen Saltanat Núkenovanyń nekeleri resmi túrde tirkelmegen. Bishimbaev marqumnyń barlyq telefon qońyraýyn baqylap, jumys isteýge ruqsat bermei, ony tolyǵymen materialdyq táýeldi etip qoiǵan. Sondai-aq, ol jii qyzǵanyp, júieli túrde fizikalyq kúsh qoldanǵan.
"Bishimbaev jii qyzǵanysh tanytyp, Núkenovaǵa pornografiia kórsetip, "sen emes pe" dep qysym jasaǵan", - deidi aiyptaýshy.
2023 jylǵy naýryzdyń ortasynda Astanada Bishimbaev Núkenovany soqqyǵa jyqqan. Saltanat Núkenova aǵasyna shaǵymdanǵan. Ol Bishimbaevpen ajyrasýǵa kóndirmek bolǵan, biraq áiel kelispegen.
Prokýrordyń aitýynsha, 2023 jyldyń jazynda Bishimbaev Núkenovany Almatyǵa kóshýge shaqyrǵan. Ol zorlyq-zombylyq toqtaidy degen úmitpen kelisken. Alaida aiyptalýshy fizikalyq kúsh kórsetýdi toqtatpaǵan.
"Bishimbaev Núkenovanyń týystarynda áieliniń soqqy alǵan sýretteri bar ekenin bilip, olar ajyrasqan jaǵdaida osy fotosýrettermen ózin bopsalaýy múmkin dep oilaǵan. Sodan Núkenovany jalańashtanyp intimdi videoǵa túsýge májbúrlegen. Núkenova qoryqqandyqtan óz erkinen tys Bishimbaevtyń talabyn oryndap, jalańash kúide intimdi vileoǵa túsken" dep málimdedi memlekettik aiyptaýshy.
Buǵan deiin Bishimbaevtyń advokaty isti basqa bap boiynsha qarastyrýdy suraǵanyn jazǵan bolatynbyz.
