استانادا جۇبايى سالتانات نٷكەنوۆانى ٶلتٸردٸ دەپ ايىپتالعان بۇرىنعى ۇلتتىق ەكونوميكا مينيسترٸ قۋاندىق بيشٸمباەۆتىڭ ٸسٸ بويىنشا الدىن الا تىڭداۋ ٶتٸپ جاتىر. بۇل تۋرالى "ۇلت اقپارات" حابارلايدى.
مەملەكەتتٸك ايىپتاۋشىنىڭ ايتۋىنشا, قۋاندىق بيشٸمباەۆ پەن سالتانات نٷكەنوۆانىڭ نەكەلەرٸ رەسمي تٷردە تٸركەلمەگەن. بيشٸمباەۆ مارقۇمنىڭ بارلىق تەلەفون قوڭىراۋىن باقىلاپ, جۇمىس ٸستەۋگە رۇقسات بەرمەي, ونى تولىعىمەن ماتەريالدىق تەۋەلدٸ ەتٸپ قويعان. سونداي-اق, ول جيٸ قىزعانىپ, جٷيەلٸ تٷردە فيزيكالىق كٷش قولدانعان.
"بيشٸمباەۆ جيٸ قىزعانىش تانىتىپ, نٷكەنوۆاعا پورنوگرافييا كٶرسەتٸپ, "سەن ەمەس پە" دەپ قىسىم جاساعان", - دەيدٸ ايىپتاۋشى.
2023 جىلعى ناۋرىزدىڭ ورتاسىندا استانادا بيشٸمباەۆ نٷكەنوۆانى سوققىعا جىققان. سالتانات نٷكەنوۆا اعاسىنا شاعىمدانعان. ول بيشٸمباەۆپەن اجىراسۋعا كٶندٸرمەك بولعان, بٸراق ەيەل كەلٸسپەگەن.
پروكۋروردىڭ ايتۋىنشا, 2023 جىلدىڭ جازىندا بيشٸمباەۆ نٷكەنوۆانى الماتىعا كٶشۋگە شاقىرعان. ول زورلىق-زومبىلىق توقتايدى دەگەن ٷمٸتپەن كەلٸسكەن. الايدا ايىپتالۋشى فيزيكالىق كٷش كٶرسەتۋدٸ توقتاتپاعان.
"بيشٸمباەۆ نٷكەنوۆانىڭ تۋىستارىندا ەيەلٸنٸڭ سوققى العان سۋرەتتەرٸ بار ەكەنٸن بٸلٸپ, ولار اجىراسقان جاعدايدا وسى فوتوسۋرەتتەرمەن ٶزٸن بوپسالاۋى مٷمكٸن دەپ ويلاعان. سودان نٷكەنوۆانى جالاڭاشتانىپ ينتيمدٸ ۆيدەوعا تٷسۋگە مەجبٷرلەگەن. نٷكەنوۆا قورىققاندىقتان ٶز ەركٸنەن تىس بيشٸمباەۆتىڭ تالابىن ورىنداپ, جالاڭاش كٷيدە ينتيمدٸ ۆيلەوعا تٷسكەن" دەپ مەلٸمدەدٸ مەملەكەتتٸك ايىپتاۋشى.
بۇعان دەيٸن بيشٸمباەۆتىڭ ادۆوكاتى ٸستٸ باسقا باپ بويىنشا قاراستىرۋدى سۇراعانىن جازعان بولاتىنبىز.
