Astanada eks-ministr Qýandyq Bishimbaev pen is figýranttaryna úkim shyqty. Sot úkimimen bas bostandyǵynan aiyrylǵandar arasynda depýtattyń uly Aslan Jaqypov ta bar, dep habarlaidy Sputnik Qazaqstan.
Úkimdi oqyǵan sýdia Ádilhan Shaihislamov májilis depýtaty Qabibolla Jaqypovtyń ulyn para alǵany úshin kináli dep tanydy.
Aslan Jaqypov maksimaldy qaýipsizdik mekemesinde jazasyn óteýmen eki jyl jáne alty aiǵa bas bostandyǵynan aiyryldy. Sondai-aq memlekettik qyzmette jetekshilik etý quqyǵynan aiyryldy.
Aslan Jaqypov qamaýǵa alynǵanǵa deiin "Báiterek Development" AQ basqarma tóraǵasynyń orynbasary qyzmetin atqardy.
Aita ketsek, búgin Astanada sot úkimimen burynǵy ulttyq ekonomika ministri Qýandyq Bishimbaev pen osy istiń basqa da figýranttaryna úkim shyqty. Sot úkimimen Bishimbaev aiypty dep tanylyp, múlki tárkilenýimen 10 jylǵa bas bostandyǵynan aiyryldy. Sondai-aq memlekettik qyzmette jetekshilik etý quqyǵynan ómir boiyna aiyryldy. Bishimbaev jazasyn maksimaldy qaýipsizdik mekemesinde óteidi.
Al Bishimbaevtyń nemere baýyry Sultan Nurlybek 7 jylǵa sottaldy.
