Qýandyq Bishimbaev sot aldynda jaýap bere bastady, - dep habarlaidy Tengrinews.kz tilshisi.
Burynǵy ulttyq ekonomika ministri qylmystyq iske qatysty barlyq mán-jaidy túsindirip beretinin aityp ótti.
"Men qoǵamǵa jáne eń bastysy Qazaqstan Prezidenti Nursultan Ábishuly Nazarbaevqa osyny jetkizgim keledi. Barlyq kásibi jetistikterim Memleket basshysynyń arqasynda. (…) Qaida jumys istesem de "Samuryqta", "Báiterekte", ministrlikte men Memleket basshysy bergen tapsyrmalardy oryndaýǵa tyrystym. Bul men úshin árdaiym birinshi orynda bolatyn. Prezident bergen tapsyrmalardyń barlyǵy - Qazaqstan azamattary úshin jasaldy: turǵyn úi, jumys, jumys oryndary. (…) Prezidentke men siiaqty jas azamatqa senip, oǵan jáne elgen qyzmet etýge múmkindik bergeni úshin sheksiz alǵys aitamyn", - dedi sot otyrysynda Qýandyq Bishimbaev.
"Prezidenttiń aldynda kináli ekenimidi bilemin. Men tanityn adamdar, men ózim jumysqa shaqyrǵan Jaqsybaev, Jaqypov jáne taǵy basqalar maǵan nuqsan keltirdi, men olar úshin Memleket basshysy aldynda jaýaptymyn. Osy jaǵdai úshin jáne Prezidenttiń senimin aqtai almaǵanym úshin uialamyn. Kadrlardy tańdaý kezinde qatty qatelestim. Meniń senimime kirip, meni tek qoldanǵan adamdardy ózime jaqyndattym. Memleket basshysynan keshirip suraimyn, halyqtan osy úshin keshirim suraimyn", - dedi Bishimbaev.
"Men aiyptaý aktisinde kórsetilgen qylmys jasady degen aiyptaýlardy moiyndamaimyn. Munyń barlyǵy rastalǵanyn bilemin, biraq qurmetti sot, men sizderge maǵan belgili negizdeýlerge súiene otyryp óz pozitsiiamdy jetkizýge tyrysamyn", - dedi eks-ministr.
Sonymen qatar, Qýandyq Bishimbaev nelikten osyǵan deiin sot aldynda jaýap bermei kelgenin aityp berdi, "Men BAQ ókilderi qatysatyn sot otyrysynda ǵana jaýap berý týraly quqyqty qoldanýdy sheshtim. Obektiv jaýap berip, shyndyqty aityp, Qazaqstan qoǵamyna maǵan taǵylǵan qylmystarǵa qatysty málimetterdi aityp berýdi sheshtim", - dedi Qýandyq Bishimbaev.
Osyǵan deiin sotta Bishimbaevtyń áieli sóz sóilegen edi. "(...) QR QPK-nyń 120-babynyń 1-taraýyn nazarǵa alyp, jýrnalistik tergeý resmi qujat retinde moiyndalý kerek. Al 125-bap boiynsha qylmystyq isti sheshý úshin dálelerdi baǵalaý qatystylyq, dáleldilik tusynan baǵalaný kerek. Osyǵan bailanysty zaýyt qurylysy týraly maqalalardy iske qosýyńyzdy suraimyn", - degen edi Bishimbaevtyń áieli sot zalynda.
2016 jyldyń 30 jeltoqsanynda ulttyq ekonomika eks-ministri Qýandyq Bishimbaevqa qatysty tergeý sharalary júrip jatqany belgili bolǵan edi. QR SIM basshylyq quramymen kezdesýinde Nursultan Nazarbaev Qýandyq Bishimbaevtyń qyzmetten bosatylǵanyn málimdegen bolatyn.
Eske salaiyq, Qýandyq Bishimbaev pen bul istiń ózge de 22 figýrantyna qatysty aldyn ala tyńdaýlar 31 qazanda bastalǵan. Búrynǵy ulttyq ekonomika ministri QR QK-niń 366-babynyń 4-taraýy "Para alý" jáne 189-babynyń 4-taraýynyń 2-tarmaǵy "Senip tapsyrylǵan ózgeniń múlkin ielený nemese talan-tarajǵa salý" boiynsha aiyptalyp jatyr.
