Emdelýge beriletin birjolǵy zeinetaqy tólemderine EKO jasatýǵa bolmaidy. Bul týraly «Otbasy bank» AQ tóraiymy Lázzat Ibragimova aitty, dep habarlaidy "Ult aqparat".
«Bastapqyda tizimde bolǵan keibir aýrý túrleri sońǵy sátte alynyp tastaldy. Qazirgi ýaqytta biz búkil tetigin pysyqtap jatyrmyz», - dedi Lázzat Ibragimova Ortalyq kommýnikatsiialar qyzmetindegi baspasóz máslihaty barysynda.
Osy rette QR Densaýlyq saqtaý ministrliginiń Meditsinalyq kómekti uiymdastyrý departamenti direktorynyń orynbasary Gúlnar Sársenbaeva tizimnen EKO jasatý protsedýrasynyń nelikten alynyp tastalǵanyn túsindirdi.
Onyń aitýynsha, biyl elimizde «Ańsaǵan sábi» atty arnaýly baǵdarlama iske qosyldy. Osyǵan orai jyl saiyn Mindetti áleýmettik meditsinalyq saqtandyrý aiasynda 1 myń kvtota bólý josparlanǵan.
«Biyl kvota sany 7 esege artyp, 7 myńǵa jetti. Sondyqtan Mindetti áleýmettik meditsinalyq saqtandyrý aiasynda bul qyzmetter kriteriilerge sáikes muqtaj otbasylarǵa kórsetiledi. Aldaǵy ýaqytta qaraimyz. Eger shynymen de mundai qajettilik bolsa, onda bul máseleni atalǵan tizimge qosýdy qarastyramyz», - dedi Gúlnar Sársenbaeva.
