QR Eńbek jáne halyqty áleýmettik qorǵaý ministri Birjan Nurymbetov memlekettik qyzmetshilerge syilyq berýge qatysty pikir bildirdi, dep habarlaidy "Ult aqparat".
Ortalyq kommýnikatsiialar qyzmetindegi baspasóz máslihatynda jaqynda Parlament memlekettik qyzmetshige syilyq syilaýǵa tyiym salatyn qujatty qabyldaǵany aityldy. «Jalpy, Eńbek ministrine buǵan deiin baǵaly syilyqtar berý áreketi boldy ma?», - dep surady tilshi vedomstvo basshysynan.
Óz kezeginde B. Nurymbetov jas kezinen memlekettik qyzmette júrgenin atap ótti.
«Syilyq alýdan aýlaqpyn. Ony meniń qaramaǵymda isteitin, qatar isteitin áriptester jaqsy biledi. Sondyqtan syiylyq aldym dep aita almaimyn. Vitse-ministr qyzmetin atqaryp júrgen kezde kompaniialar resmi kezdesýlerge kelip, kitapshalar alyp keletin. Tiisti zańnamaǵa sáikes, onyń barlyǵy ótkizilýi kerek bolatyn. Bizdiń kómekshilerimiz olardy birden ótkizip jatatyn. Atap aitqanda, memlekettik qyzmetshige syilyq syilaýǵa tyiym salatyn zańnamalyq talapty óte durys dep sanaimyn», - dedi ministr.
