eSalyq Memlekettik kirister komitetiniń mobildi qosymshasynda biryńǵai jiyntyq tólemdi (BJT) tóleý úshin yńǵaily jáne qarapaiym servis engizildi. Qosymshany App Store jáne Play Market dúkenderinen júkteýge bolady, dep habarlaidy Memlekettik kirister komitetiniń baspasóz qyzmeti.
ESalyq qosymshasyndaǵy BJT «Qazpochta» AQ Internet-ekvairingi arqyly 100 teńge banktik komissiiamen elektrondyq úkimettiń tólem shliýzi arqyly júzege asyrylady.
Esterińizge sala keteiik, 2019 jyldan bastap jeke jumys isteitin barlyq ózin-ózi jumyspen qamtyǵan adamdar biryńǵai jiyntyq tólemdi tóleýi kerek (BJT).
BJT tórt mindetti tólem túrin biriktiredi:
- jeke tabys salyǵy (JTS) ;
- memlekettik áleýmettik saqtandyrý qoryna áleýmettik aýdarymdar;
- BJZQ-daǵy zeinetaqy tólemderi;
- mindetti áleýmettik jáne meditsinalyq saqtandyrý qoryna aýdarymdar.
Bir jolǵy biryńǵai jiyntyq tólemniń mólsheri respýblikalyq mańyzy bar qalalarda, astanada jáne oblystyq mańyzy bar qalalardyń turǵyndary úshin 1 AEK (2 651 teńge) bolyp bekitilgen. Basqa eldi mekenderde turatyn jeke tulǵalar 0,5 AEK (1 325,5 teńge) tóleýi tiis.
BJT tóleýshiler - jeke kásipker retinde tirkeýsiz kásipkerlik qyzmetti júzege asyratyn, sonymen qatar kelesi sharttarǵa sáikes tulǵalar:
- biryńǵai jiyntyq tólemdi tólegen;
- jaldanǵan qyzmetkerlerdiń eńbegin paidalanbaityn;
- salyq agentteri bolyp tabylmaityn jeke tulǵalarǵa qyzmet kórsetetin jáne (nemese) aktsizdeletin ónimderdi qospaǵanda, tek salyq agentteri bolyp tabylmaityn jeke tulǵalarǵa óz óndirisiniń jeke qosalqy sharýashylyǵy aýylsharýashylyq ónimderin satatyn.
Bul rette, BJT tóleýshilerdiń kiris mólsheri 1175 AEK-ten aspaýy kerek (2020 jyly - 3 114 925 teńge).
Ózin-ózi jumyspen qamtyǵan jeke tulǵalarǵa BJT tóleý mindetti áleýmettik meditsinalyq saqtandyrý júiesine qatysýǵa; zeinetaqy jinaqtaryn jasaýǵa jáne zeinetaqy júiesindegi eńbek ótiline bailanysty bazalyq zeinetaqy tólemin alýǵa quqyq; múgedektik, jumysynan airylǵan, asyraýshysynan aiyrylǵan, júktilik jáne bosanǵan, balany asyrap alǵan, 1 jasqa deiingi bala kútimi bolǵan jaǵdailarda, áleýmettik járdemaqy alýǵa múmkindikterin beredi.
