Biryńǵai jinaqtaýshy zeinetaqy qory tek qańtar aiynda, óz salymshylaryna 4,2 million qyzmet kórsetti. Bul týraly "Ult aqparat" Qorǵa silteme jasap habarlaidy.
Bul ótken 2020 jyldyń sáikes kezeńimen salystyrǵanda 2,6 ese kóp. Aita ketý kerek, ósim elektrondyq qyzmetter boiynsha da, BJZQ filialdarynda tikelei kórsetilgen qyzmetter boiynsha da boldy.
Virtýaldy keńistikte Qordyń qyzmetterin 3,9 million salymshy aldy, bul kórsetilgen qyzmetterdiń jalpy kóleminiń 92% quraidy. Ótken jylmen salystyrǵanda onlain qyzmetterdiń tanymaldylyǵy úsh ese ulǵaidy. Esterińizge sala keteiik, BJZQ saitynda da, mobildi qosymshasynda da bar jeke kabinettiń kómegimen salymshylar úiden shyqpai-aq, jeke zeinetaqy shotynan úzindi-kóshirme, JZSh-nyń bar-joǵy týraly anyqtama ala alady. Zeinetaqy jinaqtarynyń somasyn ishinara paidalaný jáne (nemese) IPB-ǵa aýdarý úshin tekserip, óz derektemelerine ózgerister men tolyqtyrýlar engizip, 1 nemese 2 toptaǵy múgedektiktiń merzimsiz ýaqytqa belgilenýine bailanysty zeinetaqy tólemderin taǵaiyndaý týraly ótinish bere alady.
Salymshylardyń bir bóligi burynǵysynsha Qazaqstan boiynsha ornalasqan Qor filialdaryna ótinish bildirýde. BJZQ bólimshelerinde salymshylar 312 myń qyzmet aldy, bul ótken 2020 jylmen salystyrǵanda 35,9 myń qyzmetke kóp.
BJZQ mindetteriniń biri – Qordyń salymshylary men alýshylary úshin sapaly keńes berý qyzmetterin kórsetý jáne aqparattyq arnalardy damytý ekenin atap ótý mańyzdy. 2021 jylǵy qańtarda keri bailanys arnalary boiynsha salymshylar jasaǵan ótinishterdiń sany bir jyl burynǵy kórsetkishtermen salystyrǵanda úsh eseden astam artty. 2021 jyldyń birinshi aiynda 252,5 myń ótinish, al 2020 jyldyń qańtarynda 78,8 myń ótinish berildi.
Esterińizge sala keteiik, BJZQ salymshylary men alýshylary 1418 nómiri boiynsha call-ortalyqtan (Qazaqstan boiynsha qońyraý shalý tegin) keńes ala alady, sondai-aq, keńesterdi www.enpf.kz korporativtik saitynan, +7 777 000 14 18 nómiri boiynsha WhatsApp jáne Viber chat-bottary arqyly jáne Facebook, Instagram, VKontakte, Twitter, Telegram, Odnoklassniki áleýmettik jelilerindegi BJZQ resmi paraqshalarynan alýǵa bolady.
