Burynǵy densaýlyq saqtaý ministri Eljan Birtanovqa qatysty úiqamaq merzimi 2021 jyldyń 14 maýsymyna deiin uzartyldy, - dep habarlaidy Tengrinews.kz.
"QIJK-niń 55, 56, 146, 151, 152-baptaryn basshylyqqa ala otyryp, sot qaýly etti: kúdikti Birtanovqa qatysty úiqamaq merzimin segiz aiǵa deiin uzartý týraly ótinish ishinara qanaǵattandyrylsyn. Birtanovqa qatysty úiqamaq túrindegi bultartpaý sharasynyń merzimi 2021 jylǵy 14 mamyrdan bastap 2021 jylǵy 14 maýsymǵa deiin (qosa eseptegende) segiz aiǵa uzartylsyn. Úiqamaq sharttaryn ózgertý bóligindegi, meditsinalyq uiymdarǵa barýdy qospaǵanda, turǵyn úiden shyǵýǵa tolyq tyiym salýdan bas tartylsyn" - dedi tergeý sotynyń sýdiasy Aibek Abý.
Buǵan deiin burynǵy densaýlyq saqtaý ministri Eljan Birtanov sotta sóz sóilep, tergeý organdary oǵan áli aiyp taqpaǵanyn málimdegen bolatyn.
