QR Densaýlyq saqtaý ministri Eljan Birtanov elordanyń stamotologiialyq klinikalarynyń birinde tisin emdetkennen keiin es-tússiz qalǵan balanyń jaǵdaiyn óz baqylaýyna aldy, dep habarlaidy "Ult aqparat".
Aita ketsek, elorda turǵyny Anastasiia Zelionaia «Astana, hochý pohvalit/pojalovatsia» Facebook tobynda eki jarym jastaǵy balasynyń stamotologiialyq klinikaǵa qaralǵannan keiin es-tússiz qalǵanyn jazǵan bolatyn. Bala 11 táýlikten beri esin jiia almai jatyr.
Osy oqiǵaǵa bailanysty Eljan Birtanov túsinik berdi.
«Jaǵdaidy baqylaýymda ustap otyrmyn. Ókinishke qarai, balanyń jaǵdaiy óte aýyr. Biraq dárigerler tarapynan meditsinalyq kómek barynsha kórsetilýde. Oǵan tolyqqandy deńgeide járdem beriledi», - dep jazdy ministr Facebook paraqshasynda.
Sonymen birge, ministr QR DSM Taýarlar men qyzmetter qaýipsizdigi jáne sapasyn baqylaý komitetiniń tóraiymy Liýdmila Biýrabekovaǵa atalmysh stamatologiialyq klinikany tekserýdi tapsyrdy.
