Búgin QR Densaýlyq saqtaý ministri Eljan Birtanov otandyq farmatsevtika salasy kásiporyndarynyń ókilderimen onlain rejimde kezdesý ótkizdi, - dep habarlaidy ministrliktiń baspasóz qyzmeti Facebook-paraqshasynda.
«2020 jyldyń 27 sáýirindegi Prezident málimdemesine sáikes, júzege asyrylýy Densaýlyq saqtaý ministrliginiń otandyq farmatsevtikalyq jáne meditsina ónerkásibiniń úilesimdi jumysyn talap etetin birqatar tapsyrmany el Úkimetine júktedi. Prezident tapsyrmalaryn júzege asyrý maqsatynda Densaýlyq saqtaý ministri óndirýshilermen kezdesti. Onyń barysynda indettiń ekinshi tolqynynyń oryn alý yqtimaldyǵyn qosa alǵandaǵy epidemiologiialyq jaǵdai kezinde elimizdi qajetti dári-dármekpen jáne meditsinalyq buiymdarmen qamtasyz etý salasyndaǵy problemaly máseleler talqylandy», - delingen aqparatta.
Vedomstvonyń atap ótýinshe, COVID-19 infektsiiasynyń jahandyq indeti dári-dármek pen meditsinalyq buiymdardy shetelden ákelýge kedergi keltirip otyr. Sondyqtan otandyq farmatsievtikalyq jáne meditsinalyq ónerkásiptiń aldynda turǵan negizgi maqsat - import ornyn basý jáne ulttyq qaýipsizdikti qamtamasyz etý úshin negizgi dári-dármekter men meditsinalyq buiymdardyń qajetti kólemin shyǵarý.
Onlain kezdesý barysynda otandyq test-júiesi men qajetti meditsinalyq buiymdardyń jetkilikti kólemin qysqa ýaqyttyń ishinde ónerkásiptik óndirýge shyǵarý boiynsha naqty qadamdar talqylanyp, COVID-19 indetiniń aldyn alýǵa jáne emdeýge qoldanylatyn immýnobiologiialyq preparattar men ózge de dári-drmekter óndirisiniń qazirgi qýatyn paidalaný sharalary usynyldy.
