QR Densaýlyq saqtaý ministri Eljan Birtanov Almaty qalasyna jumys sapary aiasynda jańadan salynǵan juqpaly aýrýlar aýrýhanasyna baryp, koronavirýs infektsiiasynan emdelip jatqan patsientterdiń jaǵdaiyn bildi, dep habarlaidy "Ult aqparat".
Vedomstvo málimetinshe, QR Densaýlyq saqtaý ministri Eljan Birtanov modýldik keshende ornalasqan «I.S. Jekenova atyndaǵy qalalyq klinikalyq juqpaly aýrýlar aýrýhanasy» filialynda eńbek etip jatqan dárigerlermen júzdesti jáne naýqastardyń da jaǵdaiyn surady.
«Gospitalda jaqsy jaǵdai jasalǵan, emdelýdemiz. Meditsina qyzmetkerleri óte muqiiat, árdaiym sózimizdi jerge tastamaidy jáne qiyn kezde úlken qoldaý kórsetti», - dedi Anastasiia Zaharova (aty-jóni ózgertildi).
Ministr de naýqastyń tez saýyǵyp ketýin tiledi.
Atalǵan juqpaly aýrýlar aýrýhanasynda 280 tósek-oryn, 6 klinikalyq bólimshe, 28 tósektik reanimatsiia bólimshesi bar.
Meditsinalyq jabdyqtar: rentgen júiesi, kompiýterlik tomografiia, ýltradybystyq diagnostika apparattary, endoskopiialyq jabdyqtar, ókpeni jasandy jeldetý apparattary, monitorlar, perfýzorlar jáne taǵy basqalary ornatylǵan ári jumys isteidi.
Eljan Birtanov, ásirese aldyńǵy shepte júrgen dárigerlerge erekshe kóńil bóldi. Ministr áriptesterine qiyn da, jaýapty sátte kórsetken adal qyzmetteri úshin alǵys aitty. Sondai-aq, ol meditsina qyzmetkerlerine arnalǵan qosymsha tólemderge qatysty sóz qozǵady.
«Maǵan jalaqydan basqa áleýmettik tólemder bólindi» - dedi bas medbike Sairash Dikimova ministrmen áńgime barysynda.
