قر دەنساۋلىق ساقتاۋ مينيسترٸ ەلجان بٸرتانوۆ الماتى قالاسىنا جۇمىس ساپارى اياسىندا جاڭادان سالىنعان جۇقپالى اۋرۋلار اۋرۋحاناسىنا بارىپ, كوروناۆيرۋس ينفەكتسيياسىنان ەمدەلٸپ جاتقان پاتسيەنتتەردٸڭ جاعدايىن بٸلدٸ, دەپ حابارلايدى "ۇلت اقپارات".
ۆەدومستۆو مەلٸمەتٸنشە, قر دەنساۋلىق ساقتاۋ مينيسترٸ ەلجان بٸرتانوۆ مودۋلدٸك كەشەندە ورنالاسقان «ي.س. جەكەنوۆا اتىنداعى قالالىق كلينيكالىق جۇقپالى اۋرۋلار اۋرۋحاناسى» فيليالىندا ەڭبەك ەتٸپ جاتقان دەرٸگەرلەرمەن جٷزدەستٸ جەنە ناۋقاستاردىڭ دا جاعدايىن سۇرادى.
«گوسپيتالدا جاقسى جاعداي جاسالعان, ەمدەلۋدەمٸز. مەديتسينا قىزمەتكەرلەرٸ ٶتە مۇقييات, ەردايىم سٶزٸمٸزدٸ جەرگە تاستامايدى جەنە قيىن كەزدە ٷلكەن قولداۋ كٶرسەتتٸ», - دەدٸ اناستاسييا زاحاروۆا (اتى-جٶنٸ ٶزگەرتٸلدٸ).
مينيستر دە ناۋقاستىڭ تەز ساۋىعىپ كەتۋٸن تٸلەدٸ.
اتالعان جۇقپالى اۋرۋلار اۋرۋحاناسىندا 280 تٶسەك-ورىن, 6 كلينيكالىق بٶلٸمشە, 28 تٶسەكتٸك رەانيماتسييا بٶلٸمشەسٸ بار.
مەديتسينالىق جابدىقتار: رەنتگەن جٷيەسٸ, كومپيۋتەرلٸك توموگرافييا, ۋلترادىبىستىق دياگنوستيكا اپپاراتتارى, ەندوسكوپييالىق جابدىقتار, ٶكپەنٸ جاساندى جەلدەتۋ اپپاراتتارى, مونيتورلار, پەرفۋزورلار جەنە تاعى باسقالارى ورناتىلعان ەرٸ جۇمىس ٸستەيدٸ.
ەلجان بٸرتانوۆ, ەسٸرەسە الدىڭعى شەپتە جٷرگەن دەرٸگەرلەرگە ەرەكشە كٶڭٸل بٶلدٸ. مينيستر ەرٸپتەستەرٸنە قيىن دا, جاۋاپتى سەتتە كٶرسەتكەن ادال قىزمەتتەرٸ ٷشٸن العىس ايتتى. سونداي-اق, ول مەديتسينا قىزمەتكەرلەرٸنە ارنالعان قوسىمشا تٶلەمدەرگە قاتىستى سٶز قوزعادى.
«ماعان جالاقىدان باسقا ەلەۋمەتتٸك تٶلەمدەر بٶلٸندٸ» - دەدٸ باس مەدبيكە سايراش ديكيموۆا مينيسترمەن ەڭگٸمە بارىسىندا.
