Elimizde koronavirýs tabylǵan naýqastardyń 78 paiyzynda virýs simptomsyz ótti. Olar dárigerlerdiń baqylaýymen úilerinde emdeledi. Bul týraly búgin QR Densaýlyq saqtaý ministri Eljan Birtanov aitty, dep habarlaidy QazAqparat.
«Statsionarda jatqan 5800-den astam naýqastyń 59-ynyń jaǵdaiy óte kúrdeli dep aitýǵa bolady. Bul - jalpy naýqastardyń 1 paiyzy. 10 paiyz, iaǵni 100-ge jýyq naýqastyń jaǵdaiy ortasha deńgeide. Árine, olar infektsiialyq aýrýhanalarda em alyp jatyr. Sonymen qatar naýqastardyń 10 paiyzynyń aýrýy jeńil deńgeide ótip jatyr. Al búgingi kúnge tirkelgen naýqastardyń 78 paiyzynyń, iaǵni, 4 500-iniń jaǵdaiy simptomsyz dep belgilengen», - dedi ol Ortalyq kommýnikatsiialar qyzmetindegi brifing barysynda.
Osy rette ministr virýs simptomy joq mundai naýqastardyń aýrýdy ózge adamdarǵa juqtyrýy múmkin ekenin, sondyqtan oqshaýlaý, karantinge jatqyzý mańyzdy ekenin basa aitty.
«Úide bolsyn, arnaiy karantindik nysanda bolsyn, aýrýhanada bolsyn - oqshaýlaný óte mańyzdy. Árine, kóp jaǵdaida bul aýrý simptomsyz ótip ketedi. Iaǵni, naýqastardyń 70 paiyzynda aýrýdyń esh belgisi baiqalmaidy. Biraq, 30 paiyzynyń jaǵdaiy nasharlaýy múmkin. Sondyqtan dárigerlerimiz tekserip, naqty baqylaýda ustaýy tiis», - dedi Eljan Birtanov.
