Birinshi synypqa qujat qabyldaý merzimi bekitildi Birinshi synypqa qujat qabyldaý merzimi bekitildi Er adam kinoteatrda popkornǵa qaqalyp qaitys boldy Er adam kinoteatrda popkornǵa qaqalyp qaitys boldy
Qoǵam

Birtanov: "Pandemiia kezinde bólingen qarajattyń jymqyrylýyna esh qatysym joq"

Ult portaly
Birtanov: "Pandemiia kezinde bólingen qarajattyń jymqyrylýyna esh qatysym joq"



Qazaqstannyń burynǵy densaýlyq saqtaý ministri Eljan Birtanov eshqandai zańsyz áreket, ásirese koronavirýs pandemiiasy kezinde jemqorlyq qylmystaryn jasamaǵanyn málimdedi, dep habarlaidy Sputnik agenttigi.


"Burynǵy densaýlyq saqtaý ministri retinde pandemiia álemdik apat sekildi kóp adamnyń ómirin qiǵanyn jáne bul virýstan qazir de adamdar kóz jumyp jatqanyn aitqym keledi. Ótken jyldyń jazynda meditsinalyq kómek kórsetýde aýqymdy problemalar boldy. Men burynǵy densaýlyq saqtaý ministri retinde salaǵa jetekshilik etkendikten meditsinalyq kómek kórsetý sapasyna jaýapty ekenimdi tolyqtai túsinemin. Jaýapkershilikten jaltaryp otyrǵan joqpyn", - dedi Birtanov.


Ol pandemiia kezinde memlekettik organdardyń is-áreketin jan-jaqty tergeý ádil júredi dep úmittenetinin jetkizdi.


"Qazir biz qylmystyq baǵytta jáne aiyptaý belgilerimen qýdalaý júrip jatqanyn kórip otyrmyz. Alaida adamdy aiyptamas buryn aldymen epidemiologiialyq tergeýdi, tolyqqandy tergeýdi kútip baǵaiyq. Pandemiia kezinde elde ne bolyp jatqanyn men jaqsy túsinemin. Kez kelgen tergeýge daiynmyn. Biraq koronavirýs pandemiiasy kezinde bólingen qarajattyń jymqyrylýyna esh qatysym joq", - dedi Birtanov.

Biraz buryn Nur-Sultandaǵy tergeý soty kezinde prokýror Tólegen Jaraspaev burynǵy densaýlyq saqtaý ministri Eljan Birtanovqa qatysty aiyptaý aktisin jariialady.

Onyń aitýynsha, sotqa deiingi tergeý 2015 jyly densaýlyq saqtaý ministrligi avtomattandyrylǵan aqparat júiesin jetkizý úshin 17,8 million dollarǵa horvatiialyq Ericsson Nikola Tesla kompaniiasymen kelisimshart jasaǵanyn anyqtady.


Prokýrordyń aitýynsha, densaýlyq saqtaý ministri Eljan Birtanov "platformanyń jumys istemeitinin bile tura" jáne "Oljas Ábishevpen (burynǵy densaýlyq saqtaý vitse-ministri) aldyn ala kelisý arqyly 2018 jyldyń qazanynda Nur-Sultan, Batys Qazaqstan jáne Shyǵys Qazaqstan oblystaryndaǵy 17 emdeý mekemesinde platformany pilotty negizde paidalaný týraly buiryqqa qol qoiǵan.


"Eljan Birtanov, Oljas Ábishev jáne basqa da tulǵalar ózderiniń qylmystyq is-áreketi arqyly senip tapsyrylǵan biýdjet qarajatyn talan-tarajǵa salyp, memleketke iri kólemde, naqtyraq aitsaq, 1,5 milliard teńge nemese 4,1 million dollar kóleminde materialdyq shyǵyn keltirgen", - dedi memlekettik aiyptaýshy.


Birtanovtyń qorǵaýshylary eks-ministrdiń kinásizdigin alǵa tartyp otyr.


Birtanovtyń ustalýy

Eljan Birtanov ótken jyldyń 30 qazanynda kúdikti dep tanylyp, qamaýǵa alyndy.


6 qarashada sot bultartpaý sharasyn úiqamaqqa aýystyrdy. Eks-ministrge meditsinalyq mekemege barýdy qospaǵanda, úiden shyǵýǵa, telefonmmen sóilesýge, hat-habarlama joldaýǵa jáne bailanys quraldaryn paidalanýǵa tyiym saldy. Sonymen qatar oǵan otbasy múshelerinen basqa adamdarmen sóilesýge tyiym saldy.


2021 jyldyń 21 sáýirinde sýdia Eljan Birtanovtyń úiqamaqta bolý merzimin 14 mamyrǵa deiin sozdy.


Sot eks-ministrge "ómirge qajetti is-áreketterdi oryndaý úshin" tańǵy 8.00-den keshki 19.00-ge deiin úiden shyǵýǵa ruqsat berdi. Eljan Birtanov úiqamaqta bolýyna qaramastan jumysqa ornalasty.

Oqi otyryńyz