QR Densaýlyq saqtaý ministri Eljan Birtanov qazaqstandyq meditsina qyzmetkerlerin kele jatqan kásibi merekesimen quttyqtady, dep habarlaidy "Ult aqparat".
Jyl saiyn maýsym aiynyń úshinshi jeksenbisinde Qazaqstanda Meditsina qyzmetkerleri kúni atalyp ótedi.
«Qurmetti áriptester! Barshańyzdy kásibi merekemiz – Meditsina qyzmetkerleri kúnimen shyn júrekten quttyqtaimyn! COVID-19 pandemiiasy kezinde juqpaly aýrýlar aýrýhanasynda, provizorlyq statsionar, jedel meditsinalyq járdem stantsiialary men jalpy, barlyq densaýlyq saqtaý uiymdarynda meditsina qyzmetkerleri patriottyq sezimmen, joǵary jaýapkershilikpen, kásibi biliktiligin kórsetip, eńbek etýde», - dep jazdy ministr Feisbýktegi paraqshasynda.
Ministrdiń aitýynsha, dál qazirgi ýaqytta meditsina qyzmetkerleri patsientterdiń ómirin saqtap qalýda.
«Aldaryńyzǵa kómek surap kelgen adam ǵana meditsina qyzmetkerleriniń naýqasqa degen erekshe meiirimin, ár patsientke muqiiat qaraitynyn qasieti men sheberligin kóredi, sezedi. Táýlik boiy, mereke kúni de aldyńǵy shepte júrgen barlyq meditsina qyzmetkerine sheksiz alǵys aitqym keledi. Qazaqstandyq dárigerlerdiń osyndai qiyn ýaqytta basymyzǵa túsken aýyrtpalyqty jeńe alatynyna senimdimin. Men buǵan qazir áriptesterimniń qolynda emdelip jatyp taǵy kóz jetkizdim - olar óz isiniń kásibi sheberi. Barshańyzǵa myń alǵys!», - deidi E. Birtanov.
Sonymen birge, vedomtsvo basshysy sońǵy jyldary otandyq meditsinada kóp nárse ózgergenin atap ótti.
«Densaýlyq saqtaý salasynda meditsina ǵylymy men aqparattyq tehnologiialar damýda, jańa joǵary tehnologiialyq ortalyqtar salyndy. Jaqynda ǵana eń qysqa merzimde, 2 aptada elimizdiń úlken megapolisterinde juqpaly aýrýlar aýrýhanasyn saldyq. Aýrýhanalar men emhanalardy jabdyqtaý aitarlyqtai jańartyldy, joǵary tehnologiialyq meditsinalyq kómektiń qoljetimdiligi ósti.Qazir halyq densaýlyǵy týraly Kodeks Memleket basshysynyń qol qoiýyna jiberildi, qujatta Prezidenttiń tapsyrmasy boiynsha qoǵamda meditsina qyzmetkeriniń mártebesin arttyrý, quqyqtary men múddelerin qorǵaý jónindegi normalar bar. Bul barlyǵymyz úshin, eń aldymen bizdiń azamattarymyzdyń densaýlyǵyn qorǵaý úshin úlken qadam jáne jetistik dep senimmen aita alamyn. Osy ózgeristerdiń barlyǵy sizderdiń eńbekterińiz, áriptester!», - deidi ministr.
Ministr elimizde pandemiiaǵa qarsy kúresti jalǵastyrý qajettigin jáne onda mindetti túrde jeńip shyǵatynymyzdy aitty.
«Sizderdiń adal eńbekterińizdi joǵary baǵalaimyz jáne onyń qadirin bilemiz. Qyzmetterińizge tabys, bolashaqqa senim men otbasylaryńyzǵa amandyq tileimin! Ózderińizge saq bolyńyzdar. Denderińiz saý bolsyn!», - dedi Eljan Birtanov.
