Qazaqstanda koronavirýs juqtyryp, aýrýhanada jatqan 282 adamnyń segizi aýyr halde, olardyń tórteýi jasandy apparatpen demalyp jatyr. 30 naýqastyń hali ortasha, 244 adamnyń jaǵdaiy birqalypty. Bul týraly 30 naýryzdaǵy brifingte densaýlyq saqtaý ministri Eljan Birtanov habarlady.
Ministrdiń sózinshe, emdelip jatqandardyń arasynda 14 jasqa deiingi eki bala bar
Ministrdiń dereginshe, Qazaqstanda virýs juqtyrǵan 302 adamnyń 79-y – shetelden kelgender. 97 naýqas virýs juqtyrǵandarmen bailanysta bolǵan. Al qalǵan júzden astam adamnyń juqtyrý sebebi belgisiz.
Qazaqstanda barlyǵy 20 adam (Nur-Sultan - 13, Almaty - 7) aýrýdan jazylǵan. Dertten aiyqqandar arasynda 12 jasar qyz bala bar. 26 naýryzda Aqmola oblysy Qosshy aýylynda 65 jastaǵy áiel adam koronavirýstan qaitys bolǵan.
Qazaqstanda 15 sáýirge deiin tótenshe jaǵdai. Elde birneshe qala men oblysta karantin jariialanǵan.
