قازاقستاندا كوروناۆيرۋس جۇقتىرىپ, اۋرۋحانادا جاتقان 282 ادامنىڭ سەگٸزٸ اۋىر حالدە, ولاردىڭ تٶرتەۋٸ جاساندى اپپاراتپەن دەمالىپ جاتىر. 30 ناۋقاستىڭ حالٸ ورتاشا, 244 ادامنىڭ جاعدايى بٸرقالىپتى. بۇل تۋرالى 30 ناۋرىزداعى بريفينگتە دەنساۋلىق ساقتاۋ مينيسترٸ ەلجان بٸرتانوۆ حابارلادى.
مينيستردٸڭ سٶزٸنشە, ەمدەلٸپ جاتقانداردىڭ اراسىندا 14 جاسقا دەيٸنگٸ ەكٸ بالا بار
مينيستردٸڭ دەرەگٸنشە, قازاقستاندا ۆيرۋس جۇقتىرعان 302 ادامنىڭ 79-ى – شەتەلدەن كەلگەندەر. 97 ناۋقاس ۆيرۋس جۇقتىرعاندارمەن بايلانىستا بولعان. ال قالعان جٷزدەن استام ادامنىڭ جۇقتىرۋ سەبەبٸ بەلگٸسٸز.
قازاقستاندا بارلىعى 20 ادام (نۇر-سۇلتان - 13, الماتى - 7) اۋرۋدان جازىلعان. دەرتتەن ايىققاندار اراسىندا 12 جاسار قىز بالا بار. 26 ناۋرىزدا اقمولا وبلىسى قوسشى اۋىلىندا 65 جاستاعى ەيەل ادام كوروناۆيرۋستان قايتىس بولعان.
قازاقستاندا 15 سەۋٸرگە دەيٸن تٶتەنشە جاعداي. ەلدە بٸرنەشە قالا مەن وبلىستا كارانتين جارييالانعان.
