Dárigerlerdiń ortasha eńbekaqysy eldegi ortasha eńbekaqydan 2,5 ese kóp bolýy kerek. QR Densaýlyq saqtaý ministri Eljan Birtanov jedel járdem jasaqtary men statsionarlyq qabyldaý bólimderiniń arasyndaǵy IV respýblikalyq jarystyń ashylýynda osylai málim etti, dep habarlaidy QazAqparat.
Ministrdiń aitýynsha, qazirgi tańda eldegi meditsina qyzmetkerleriniń ortasha eńbekaqysy 240 myń teńge kóleminde. Biraq bul sala mamandarynyń kóbi osynsha mólsherde jalaqy alyp júr degen sóz emes.
«Biz maýsym aiynda ǵana meditsina qyzmetkerleriniń eńbekaqysyn ósirdik. Onyń ishinde jedel járdem ókilderi de bar. Ministrlik ony barlyǵy alǵanyn qadaǵalaý úshin jaǵdaiǵa monitoring júrgizip otyr. Bul iske ákimdikter men kásipodaqty da tarttyq. Eńbekke sai jalaqy bolýy mańyzdy. Ortasha eńbekaqy eń joǵarǵy ailyq pen eń tómenginiń arasynan alynatynyn umytpaý kerek. Bizde bul kórsetkish 240 myń teńge mólsherinde. Al saladaǵy eńbek ótili men sanaty tómen mamandardyń kóbi 120-140 myń teńge alyp júr. Kórshiles Reseide dárigerlerdiń ortasha eńbekaqysy bizden 2 ese artyq. Sondyqtan da, mamandar bizde turaqtamai jatyr», - dedi Eljan Birtanov BAQ ókilderiniń suraǵyna jaýap bere otyryp.
Ol sondai-aq, aldaǵy bes jylda dárigerlerdiń eńbekaqysyn kóterý josparlanyp otyrǵanyn aitady.
«Dárigerlerdiń eńbekaqysyn kóterý boiynsha naqty qadam jasalyp jatyr. 2025 jylǵa qarai meditsina qyzmetkerleriniń ortasha eńbekaqysy 500 myń teńge bolýy tiis. Bizdiń oiymyzsha, meditsina qyzmetkerleriniń ortasha eńbekaqysy eldegi ortasha eńbekaqydan 2,5 ese artyq bolýy kerek. Osy kezde ǵana mamandar turaqtap, yntamen jumys isteitin bolady. Biz álemniń ózge Óitkeni, dáriger naqty jumysqa kirisý úshin 10 jyl kóleminde oqidy. Jumysqa kirise salyp óz betimen kúrdeli sheshimder qabyldaýy kerek. Muny ózge mamandyqtarmen salystyrýǵa bolmaidy. elderindegi jaǵdaidy eskere otyryp osyndai oiǵa keldik», - dedi Eljan Birtanov.
Ministrdiń aitýynsha, osyǵan qaramastan Qazaqstanda jedel járdem qyzmeti bedeldi mamandyqtardyń biri sanalady.
Eske salsaq, QR Densaýlyq ministri Eljan Birtanov aldaǵy eki jylda jedel járdem qyzmetine 800 jańa kólik beriletinin aitqan bolatyn.
