دەرٸگەرلەردٸڭ ورتاشا ەڭبەكاقىسى ەلدەگٸ ورتاشا ەڭبەكاقىدان 2,5 ەسە كٶپ بولۋى كەرەك. قر دەنساۋلىق ساقتاۋ مينيسترٸ ەلجان بٸرتانوۆ جەدەل جەردەم جاساقتارى مەن ستاتسيونارلىق قابىلداۋ بٶلٸمدەرٸنٸڭ اراسىنداعى IV رەسپۋبليكالىق جارىستىڭ اشىلۋىندا وسىلاي مەلٸم ەتتٸ, دەپ حابارلايدى قازاقپارات.
مينيستردٸڭ ايتۋىنشا, قازٸرگٸ تاڭدا ەلدەگٸ مەديتسينا قىزمەتكەرلەرٸنٸڭ ورتاشا ەڭبەكاقىسى 240 مىڭ تەڭگە كٶلەمٸندە. بٸراق بۇل سالا ماماندارىنىڭ كٶبٸ وسىنشا مٶلشەردە جالاقى الىپ جٷر دەگەن سٶز ەمەس.
«بٸز ماۋسىم ايىندا عانا مەديتسينا قىزمەتكەرلەرٸنٸڭ ەڭبەكاقىسىن ٶسٸردٸك. ونىڭ ٸشٸندە جەدەل جەردەم ٶكٸلدەرٸ دە بار. مينيسترلٸك ونى بارلىعى العانىن قاداعالاۋ ٷشٸن جاعدايعا مونيتورينگ جٷرگٸزٸپ وتىر. بۇل ٸسكە ەكٸمدٸكتەر مەن كەسٸپوداقتى دا تارتتىق. ەڭبەككە ساي جالاقى بولۋى ماڭىزدى. ورتاشا ەڭبەكاقى ەڭ جوعارعى ايلىق پەن ەڭ تٶمەنگٸنٸڭ اراسىنان الىناتىنىن ۇمىتپاۋ كەرەك. بٸزدە بۇل كٶرسەتكٸش 240 مىڭ تەڭگە مٶلشەرٸندە. ال سالاداعى ەڭبەك ٶتٸلٸ مەن ساناتى تٶمەن مامانداردىڭ كٶبٸ 120-140 مىڭ تەڭگە الىپ جٷر. كٶرشٸلەس رەسەيدە دەرٸگەرلەردٸڭ ورتاشا ەڭبەكاقىسى بٸزدەن 2 ەسە ارتىق. سوندىقتان دا, ماماندار بٸزدە تۇراقتاماي جاتىر», - دەدٸ ەلجان بٸرتانوۆ باق ٶكٸلدەرٸنٸڭ سۇراعىنا جاۋاپ بەرە وتىرىپ.
ول سونداي-اق, الداعى بەس جىلدا دەرٸگەرلەردٸڭ ەڭبەكاقىسىن كٶتەرۋ جوسپارلانىپ وتىرعانىن ايتادى.
«دەرٸگەرلەردٸڭ ەڭبەكاقىسىن كٶتەرۋ بويىنشا ناقتى قادام جاسالىپ جاتىر. 2025 جىلعا قاراي مەديتسينا قىزمەتكەرلەرٸنٸڭ ورتاشا ەڭبەكاقىسى 500 مىڭ تەڭگە بولۋى تيٸس. بٸزدٸڭ ويىمىزشا, مەديتسينا قىزمەتكەرلەرٸنٸڭ ورتاشا ەڭبەكاقىسى ەلدەگٸ ورتاشا ەڭبەكاقىدان 2,5 ەسە ارتىق بولۋى كەرەك. وسى كەزدە عانا ماماندار تۇراقتاپ, ىنتامەن جۇمىس ٸستەيتٸن بولادى. بٸز ەلەمنٸڭ ٶزگە ٶيتكەنٸ, دەرٸگەر ناقتى جۇمىسقا كٸرٸسۋ ٷشٸن 10 جىل كٶلەمٸندە وقيدى. جۇمىسقا كٸرٸسە سالىپ ٶز بەتٸمەن كٷردەلٸ شەشٸمدەر قابىلداۋى كەرەك. مۇنى ٶزگە ماماندىقتارمەن سالىستىرۋعا بولمايدى. ەلدەرٸندەگٸ جاعدايدى ەسكەرە وتىرىپ وسىنداي ويعا كەلدٸك», - دەدٸ ەلجان بٸرتانوۆ.
مينيستردٸڭ ايتۋىنشا, وسىعان قاراماستان قازاقستاندا جەدەل جەردەم قىزمەتٸ بەدەلدٸ ماماندىقتاردىڭ بٸرٸ سانالادى.
ەسكە سالساق, قر دەنساۋلىق مينيسترٸ ەلجان بٸرتانوۆ الداعى ەكٸ جىلدا جەدەل جەردەم قىزمەتٸنە 800 جاڭا كٶلٸك بەرٸلەتٸنٸن ايتقان بولاتىن.
