Elimizdiń birneshe oblysynda aýa raiynyń qolaisyzdyǵyna bailanysty respýblikalyq mańyzy bar joldar jabyldy, dep habarlatsdy QazAqparat.
«QazAvtoJol» ulttyq kompaniiasy» aktsionerlik qoǵamynyń baspasóz qyzmetiniń málimeti boiynsha, kún raiynyń kúrt nasharlaýyna bailanysty elimizdiń birneshe aimaǵynda kóliktiń barlyq túrleri úshin qozǵalys shekteldi.
Aqmola oblysy:
11 naýryz saǵat 13.00-de «Jezqazǵan – Petropavl» avtojolynyń 377-440 shaqyrym aralyǵy
Aqtóbe oblysy:
11 naýryz saǵat 11.00-de «Samara-Shymkent», 776-1240 shaqyrym aralyǵy.
11 naýryz saǵat 13.00-de «Qarabutaq-Komsomolskoe-Denisovka-Rýdnyi-Qostanai» a/j júk jáne avtokóliktiń qoǵamdyq túrleri úshin 0-234 shaqyrymdar aralyǵy.
BQO:
11 naýryz saǵat 13.00-de Qostanai oblysynda aýa raiynyń nasharlaýyna bailanysty «Jezqazǵan-Petropavl» a/j 137-252 shaqyrymdar aralyǵy.
Qostanai oblysy:
11 naýryz saǵat 13.00-de aýa raiynyń nasharlaýyna bailanysty (boran, kórinýdi shekteý) avtokólikterdiń barlyq túrleri úshin a/j qozǵalysyna shekteý engizildi:
1. «Jezqazǵan-Petropavl» 252-377 shaqyrym aralyǵy.
2. «Qarabutaq-Komsomolskoe-Denisovka-Rýdnyi-Qostanai» 234-262 shaqyrym aralyǵy.
Qyzylorda oblysy:
11 naýryz saǵat 11.00-de (elorda ýaqyty boiynsha) aýa raiynyń nasharlaýyna bailanysty «Samara-Shymkent» tas jolynyń 1240-1357 shaqyrymynda avtokóliktiń barlyq túrleri úshin qozǵalys shekteldi.
«Azamattardy aýa-raiy boljamyn jiti baqylap, alys saparǵa shyqpaýǵa shaqyramyz. Shtattan tys jaǵdai týyndasa, júrgizýshiler men jolaýshylar 1403 nómiri boiynsha QazAvtoJol UK AQ-nyń táýlik boiy jumys jasaityn call-ortalyǵyna habarlasýy qajet» - dep jazylǵan resmi málimette.
