QR IIM Tótenshe jaǵdailar komitetiniń tóraǵasy Vladimir Bekker nóserli jańbyr saldarynan birneshe óńirde ózen sýynyń deńgeii kóterilýi múmkindigin eskertti, dep habaralidy QazAqparat tilshisi.
«Qazgidromettiń» habarlaýynsha, 5-6 maýsymda Soltústik Qazaqstan, Aqmola oblystarynda, 6 maýsymda Pavlodar oblysynda jańbyr kútiledi. Kei jerlerde kúshti jel turyp, soltústik-batystan sekýndyna 15-25 metr jyldamdyqpen jel uiytqýy múmkin. Jekelegen aýdandarda tuman túsip, nóser sońy burshaqqa ulasady. Aýa temperatýrasy túnde 2-7 gradýsqa, túnde 10-15 gradýsqa deiin túsýi múmkin. Kei jerlerde tempertýra 18 gradýs deńgeiinde saqtalady. 5 maýsymda Qostanai oblysynda da aýa temperatýrasy 2-7 gradýsqa deiin túsedi. Aýa raiy buzylýynyń yqtimaldyǵy - 85-90%» - dedi komitet ókili búgin IIM-de ótken baspasóz máslihatynda.
Onyń aitýynsha, birneshe oblysta tolassyz jaýyn áserinen ózenderdiń deńgeii kóterilýi múmkin.
«Bul «Qazgidromettiń» 3 maýsym kúngi málimeti. Al 4 maýsym kúngi aqparat boiynsha, 5-7 maýsym kúnderi Shyǵys Qazaqstan oblysynda, 6-7 maýsym aralyǵynda Jambyl, Túrkistan, Almaty oblystarynda jańbyr kútiledi. Kei jerlerde qatty jaýyn-shashyn saldarynan ózenderde sý deńgeii kóterilýi múmkin» - dedi Vladimir Bekker.
